അലമാര തുറക്കുമ്പോള്‍ - അനുപമ എം. വാരിയര്‍

Alamara Malayalam movie review - CiniDiary

യുവദമ്പതികളുടെ ജീവിതത്തില്‍ ഒരു അലമാര ഉണ്ടാക്കുന്ന പൊല്ലാപ്പുകളാണ് മിഥുന്‍ മാനുവല്‍ തോമസ് തന്റെ പുതിയ ചിത്രത്തിലൂടെ പറയുന്നത്. ആദ്യമായിട്ടാകണം ഒരു അലമാര മലയാള സിനിമയുടെ ആദിമദ്യാന്തം കേന്ദ്രകഥാപാത്രമാവുന്നത്. ആദ്യഷോട്ട് മുതല്‍ കഥയുടെ വഴിത്തിരിവുകളിലെല്ലാം നിവര്‍ന്നു നില്‍ക്കുന്ന മരയലമാര. ചിരിയൊളിപ്പിച്ച ഈ അലമാര പക്ഷേ, രണ്ട് കുടുംബങ്ങളുടെ കലഹത്തിലേക്കും കണ്ണീരിലേക്കുമാണ് വാതില്‍ തുറക്കുന്നത്. വളരെ ചെറിയ കഥാതന്തുവിനെ വികസിപ്പിച്ച് വലിയ ക്യാന്‍വാസിലാക്കിയ ഈ സിനിമ പ്രേക്ഷകന് കണ്ടിരിക്കാവുന്നതാണ്.

ആട് ഒരു ഭീകരജീവിയാണ്, ആന്‍മരിയ കലിപ്പിലാണ് എന്നീ ചിത്രങ്ങള്‍ക്കു ശേഷം മിഥുന്‍ മാനുവല്‍ തോമസ് ഒരുക്കുന്ന ചിത്രം നര്‍മത്തിനും കുടുംബബന്ധത്തിനും ഏറെ പ്രാധാന്യം നല്‍കിയിരിക്കുന്നു. അരുണ്‍ പവിത്രന്‍ എന്ന നായക കഥാപാത്രം (സണ്ണി വെയ്ന്‍) നാല്‍പതിലധികം തവണ പെണ്ണുകാണുന്നുണ്ടെങ്കിലും കല്യാണമൊന്നും നടക്കുന്നില്ല. ഒടുവില്‍ ഒരു കല്യാണം ഒത്തുവന്നപ്പോള്‍ പെണ്ണ് കാമുകനോടൊപ്പം ഒളിച്ചോടുകയും ചെയ്തു. തുടര്‍ന്ന് നിരാശനായി നടക്കുന്ന അരുണിന്റെ ജീവിതത്തിലേക്ക് സ്വാതി എന്ന പെണ്‍കുട്ടി (അദിതി രവി) കടന്നുവരുന്നു. അമ്മമാരുടെ പൂര്‍ണ പിന്തുണയോടെയല്ലെങ്കിലും ഇരുവരും വിവാഹിതരാവുന്നു. കല്യാണത്തോടനുബന്ധിച്ച് സ്വാതിയുടെ വീട്ടുകാര്‍ സമ്മാനമായി നല്‍കുന്ന കൂറ്റന്‍ അലമാര പിന്നീട് ഇവരുടെ ജീവിതത്തിലുണ്ടാക്കുന്ന സംഭവവികാസങ്ങളാണ് ചിത്രം വരച്ചുകാണിക്കുന്നത്.

പേരുപോലെ അലമാരയാണ് ചിത്രത്തിന്റെ നട്ടെല്ല്. ഒരിക്കല്‍ പ്രൗഢമായി വാണിരുന്നെങ്കിലും ഇപ്പോള്‍ അനാഥമായ അലമാരയുടെ കഥ അലമാര തന്നെ പറയുകയാണ്. അതിനിടയില്‍ മനുഷ്യരുടെ ഈഗോയുടെ വിളയാട്ടങ്ങളും കാണാം. നടന്‍ സലീം കുമാറാണ് അലമാരയ്ക്ക് ശബ്ദം നല്‍കുന്നത്.

പുതുമുഖമെന്ന നിലയില്‍ നായികാ കഥാപാത്രത്തെ തന്‍മയത്വത്തോടെ അവതരിപ്പിക്കാന്‍ അദീതിക്ക് സാധിച്ചിട്ടുണ്ട്. അരുണിന്റെ മാതാപിതാക്കളായി സീമാ ജി നായരും രഞ്ജി പണിക്കരും മികച്ച പ്രകടനമാണ് കാഴ്ച വെച്ചിരിക്കുന്നത്. സൈജു കുറുപ്പ്, അജു വര്‍ഗീസ്, സുധീര്‍ കോപ്പ ടീമിന്റെ ഹാസ്യരംഗങ്ങളും തീയ്യറ്ററില്‍ ചിരി പടര്‍ത്തി. അരുണിന്റെ അമ്മാവനായി വേഷമിട്ട സംസ്ഥാന അവാര്‍ഡ് ജേതാവ് മണികണ്ഠന്റെ പ്രകടനവും മികച്ചു നിന്നു. മാഫിയാത്തലവന്‍ ഷെട്ടിയായി ഇന്ദ്രന്‍സിന്റെ മികച്ച അപ്പിയറന്‍സ് കാണാം. ഫുള്‍ ഓണ്‍ സിനിമ നിര്‍മിക്കുന്ന ചിത്രത്തിന്റെ കഥ മഹേഷ് ഗോപാലും തിരക്കഥ ജോണ്‍ മന്ത്രിക്കലും ഒരുക്കിയിരിക്കുന്നു.

സതീഷ് കുറുപ്പ് ഒപ്പിയെടുത്ത ദൃശ്യങ്ങള്‍ ചിത്രത്തിന് മിഴിവേകുന്നു. സൂരജ് എസ്.കുറുപ്പിന്റേതാണ് സംഗീതം. ടൈറ്റില്‍ സോങ്ങിലൂടെ രഞ്ജി എസ്.പണിക്കര്‍ ആദ്യമായി പിന്നണിഗാനരംഗത്തേക്ക് അരങ്ങേറി എന്ന പ്രത്യേകതയും അലമാരയ്ക്കുണ്ട്.

ചിരിയും ചിന്തയും ഒരേ ചരടില്‍ കോര്‍ത്തിണക്കിയ അലമാരയ്ക്ക് യുവാക്കളേയും കുടുംബപ്രേക്ഷകരേയും ഒരുപോലെ ആകര്‍ഷിക്കാനാവും.

റീല്‍ റിവേഴ്സ്

'ക്യാപ്ടൻ' സത്യൻ വിജയനക്ഷത്രമാണ്  - എസ്.ആർ

'ക്യാപ്ടൻ' സത്യൻ വിജയനക്ഷത്രമാണ് - എസ്.ആർ

ക്രിക്കറ്റിന് അനുദിനം പ്രചുരപ്രചാരമേറി വരുന്ന ഇന്ത്യയെ പോലൊരു നാട്ടിൽ കാൽപ്പന്തുകളിക്ക് ( ഫുട്ബോൾ)​ എന്ത് വിലയാണുള്ളത്. 125 കോടി വരുന്ന ജനങ്ങൾക്കിടയിൽ ഇത്രയേറെ...

വിവാദച്ചുഴികൾ നീന്തിക്കയറി 'പദ്മാവത്'

വിവാദച്ചുഴികൾ നീന്തിക്കയറി 'പദ്മാവത്'

ചരിത്ര സിനിമകളുടെ അമരക്കാരൻ എന്ന വിളിപ്പേരുള്ള ബോളിവുഡ് സംവിധായകൻ സഞ്ജയ് ലീല ബൻസാലിയുടെ ഏറ്റവും പുതിയ ചിത്രമായ 'പദ്മാവത്' വിവാദച്ചുഴികൾ നീന്തിക്കയറിയാണ്...

താന സെർന്ത കൂട്ടം കാണണം ഈ കള്ളക്കൂട്ടത്തെ - എസ്.ആർ

താന സെർന്ത കൂട്ടം കാണണം ഈ കള്ളക്കൂട്ടത്തെ - എസ്.ആർ

2013-ൽ ഇറങ്ങിയ സ്‌പെഷ്യൽ 26 എന്ന ബോളിവുഡ് ചിത്രത്തിന്റെ റീമേക്കാണ് വിഘ്നേഷ് ശിവൻ സംവിധാനം ചെയ്ത താന സെർന്ത കൂട്ടം. നേരുള്ള കള്ളന്മാരുടെ കഥ പറഞ്ഞ ചിത്രം ഹിന്ദി സിനിമാ...

കാർബൺ - മോഹിപ്പിക്കുന്ന വനയാത്ര

കാർബൺ - മോഹിപ്പിക്കുന്ന വനയാത്ര

മുന്നറിയിപ്പ്' എന്ന സിനിമയ്ക്കു ശേഷം കാമറാമാനായ വേണു സംവിധാനം ചെയ്ത കാർബൺ എന്ന സിനിമ. യാഥാർത്ഥ്യത്തിൽ നിന്നുകൊണ്ട് തന്നെ പറഞ്ഞുകേട്ട കഥകൾക്ക് ഫാന്റസിയുടെ...

വോട്ടെടുപ്പ് ഇന്ന് തുടങ്ങും, 9 മത്സര ചിത്രങ്ങളുടെ പ്രദര്‍ശനം ഇന്നു കൂടി

വോട്ടെടുപ്പ് ഇന്ന് തുടങ്ങും, 9 മത്സര ചിത്രങ്ങളുടെ പ്രദര്‍ശനം ഇന്നു കൂടി

രാജ്യാന്തര ചലച്ചിത്രമേളയില്‍ മത്സര വിഭാഗത്തിലെ ഒന്‍പത് ചിത്രങ്ങളുടെ പ്രദര്‍ശനം ഇന്ന് അവസാനിക്കും. ഗ്രെയ്ന്‍, ഐ സ്റ്റില്‍ ഹൈഡ് ടു സ്മോക്ക്, വൈറ്റ് ബ്രിഡ്ജ്,...

സ്ത്രീയുടെ അവസ്ഥ സാര്‍വ്വലൗകികമാണ്: റെയ്ഹാന

സ്ത്രീയുടെ അവസ്ഥ സാര്‍വ്വലൗകികമാണ്: റെയ്ഹാന

സിനിമ മാത്രമല്ല മതങ്ങളും പുരുഷാധിപത്യത്തിന്‍ കീഴിലാണെന്ന് അള്‍ജീരിയന്‍ സംവിധായിക റെയ്ഹാന. അള്‍ജീരിയയിലെ കഥയാണ് തന്റെ ചിത്രം പറയുന്നതെങ്കിലും ലോകത്ത്...

ഡിജിറ്റല്‍ സാങ്കേതികവിദ്യ നല്‍കുന്നത് വലിയ സ്വാതന്ത്ര്യം - ദിലീഷ് പോത്തന്‍

ഡിജിറ്റല്‍ സാങ്കേതികവിദ്യ നല്‍കുന്നത് വലിയ സ്വാതന്ത്ര്യം - ദിലീഷ് പോത്തന്‍

ഡിജിറ്റല്‍ സാങ്കേതികവിദ്യ സിനിമാനിര്‍മാണത്തില്‍ വലിയ സ്വാതന്ത്ര്യം നല്‍കുന്നുവെന്ന് സംവിധായകന്‍ ദിലീഷ് പോത്തന്‍. 'മലയാള സിനിമയിലെ മാറുന്ന ഉള്ളടക്കവും...


141 News Items found. Page 1 of15