'കട്ട ലോക്കല്‍' അങ്കമാലി - അനുപമ എം. വാരിയര്‍

Angamaly Diaries Movie 2017  Review CiniDiary

റിയലിസ്റ്റിക് സിനിമകളെ എക്കാലവും ഇരുകൈയ്യും നീട്ടി സ്വീകരിച്ചിട്ടുണ്ട് മലയാളികള്‍. കമ്മട്ടിപ്പാടവും മഹേഷിന്റെ പ്രതികാരവുമൊക്കെ ഉത്തമ ഉദാഹരണങ്ങളാണല്ലോ. ആ ജനുസ്സിലെ ഏറ്റവും അവസാനത്തെ കണ്ണിയാണ് ലിജോ ജോസ് പല്ലിശ്ശേരിയൊരുക്കിയ അങ്കമാലി ഡയറീസ്. ടാഗ്ലൈന്‍ സൂചിപ്പിക്കുന്നതു പോലെ ഒരു 'കട്ട ലോക്കല്‍ പട'മാണ് അങ്കമാലി ഡയറീസ്. ഒരു ശരാശരി അങ്കമാലിക്കാരന്റെ ജീവിതം സിനിമയുടെ ഗിമ്മിക്കുകളില്ലാതെ പകര്‍ത്താനായി എന്നതാണ് ലിജോ ജോസ് പെല്ലിശ്ശേരി എന്ന സംവിധായകന്റെ വിജയം.

അങ്കമാലിക്കാരുടെ ജീവിത സ്വഭാവ ശൈലികള്‍ പരിചയപ്പെടുത്തിയാണ് ചിത്രം ആരംഭിക്കുന്നത്. പിന്നീട് ഫ്ളാഷ്ബാക്കിലേക്ക് പോകുന്ന ചിത്രം കഥാപാത്രങ്ങളുടെ രൂപപ്പെടലുകള്‍ പ്രേക്ഷകന് കാണിച്ചു കൊടുക്കുന്നു. ആദ്യ അര മണിക്കൂറില്‍ തന്നെ പ്രേക്ഷകനെ കഥയിലേക്കാകര്‍ഷിക്കാന്‍ ചിത്രത്തിനാവുന്നുണ്ട്. പ്രണയവും പ്രണയപരാജയവും കശപിശയും നിറഞ്ഞ ആദ്യ പകുതിയില്‍ നിന്ന് തീര്‍ത്തും വ്യത്യസ്തമാണ് രണ്ടാം പകുതി. കഥ കൂടുതല്‍ ഗൗരവതരമാവുന്ന രണ്ടാം പകുതിയില്‍ ജീവിതം വഴിമുട്ടുന്ന അവസ്ഥയില്‍ നിന്ന് പൊരുതുന്ന കഥാപാത്രങ്ങളെയാണ് കാണാനാവുക. പശ്ചാത്തലം വയലന്‍സാണെങ്കിലും ഒതുക്കത്തോടെ പ്രേക്ഷകനെ ബോറടിപ്പിക്കാതെ കൈകാര്യം ചെയ്യാനായി എന്നതില്‍ സംവിധായകനും തിരക്കഥാകൃത്തിനും അഭിമാനിക്കാം.

ജനപ്രിയ സിനിമയുടെ നടപ്പുരീതികളെ പൊളിച്ചെഴുതുക എന്നത് അത്ര എളുപ്പമുള്ള കാര്യമല്ല, പ്രത്യേകിച്ചും മലയാള സിനിമാ ഇന്‍ഡസ്ട്രിയില്‍. ആ ദൗത്യം തികഞ്ഞ ആത്മവിശ്വാസത്തോടെ ഏറ്റെടുക്കുന്ന പതിവുരീതി ലിജോ ജോസ് അങ്കമാലി ഡയറീസിലും ആവര്‍ത്തിച്ചിട്ടുണ്ട്. ഞങ്ങള്‍ പരിചയപ്പെടുത്തുന്ന 86 പുതുമുഖങ്ങള്‍ എന്ന ധ്യൈം തന്നെയാണ് സിനിമയുടെ യു.എസ്.പി. കണ്ടു പരിചയമുള്ള മുഖങ്ങളെ ചിത്രത്തില്‍ കണ്ടെത്താന്‍ കഴിയില്ല. എന്നാല്‍, പുതുമുഖങ്ങളുടെ സിനിമ എന്ന തോന്നല്‍ പ്രേക്ഷകന് ഉളവാകുകയുമില്ല. എല്ലാ പുതുമുഖങ്ങളും പതര്‍ച്ചകളേതുമില്ലാതെ കഥാപാത്രങ്ങള്‍ക്ക് മിഴിവേകി. നായകവേഷത്തിലെത്തിയ ആന്റണിയും ഭാവിയുള്ള താരമാണെന്ന് തെളിയിച്ചു. ക്യാമറ ഗിമ്മിക്കുകളുടെ അതിപ്രസരമോ കാതടപ്പിക്കുന്ന പശ്ചാത്തല സംഗീതമോ ഇല്ലാതെ പ്രേക്ഷകന്റെ കണ്‍മുന്നില്‍ നടക്കുന്ന സംഭവങ്ങള്‍ എന്ന തരത്തിലാണ് ചിത്രം മുന്നേറുന്നത്. ക്ലൈമാക്സിലെ 11 മിനിറ്റ് നീളുന്ന ഒറ്റ ഷോട്ടും അഭിനന്ദനമര്‍ഹിക്കുന്നു.

ഛായാഗ്രഹണം നിര്‍വഹിച്ച ഗിരീഷ് ഗംഗാധരന്‍ ക്യാമറയുമായി സിനിമയിലുടനീളം അഭിനേതാക്കളെ പിന്തുടരുകയാണ്. അവസാന ഷോട്ടും സംവിധായകന്റെ മനസ്സറിഞ്ഞ് ഒപ്പിയെടുക്കാന്‍ അദ്ദേഹത്തിനായി. എഡിറ്റിങും റീറെക്കോഡിങും ഒന്നിനൊന്ന് മികച്ചതായി. പ്രശാന്ത് പിള്ളയുടെ മിതത്വം കലര്‍ന്ന സംഗീതം സിനിമയ്ക്ക് യോജിച്ചതായി. അങ്കമാലിക്കാരനായ പ്രാഞ്ചിയാശാന്‍ പാടിയ നാടന്‍ പാട്ടുകളാണ് മറ്റൊരാകര്‍ഷണം. ചെമ്പന്‍ വിനോദ് ജോസ് എന്ന നടന്റെ തിരക്കഥാകൃത്തിലേക്കുള്ള രൂപാന്തരം കൈയടി അര്‍ഹിക്കുന്നുണ്ട്. അങ്കമാലിക്കാരനായ ചെമ്പന്‍ വിനോദിന് അങ്കമാലിയെ അതേപടി കടലാസിലേക്ക് പകര്‍ത്താനായി. പ്രതിഭയുള്ള സംവിധായകനെന്ന് പണ്ടേ തെളിയിച്ച ലിജോ ജോസ് ഒരിക്കല്‍ കൂടി അത് ഊട്ടിയുറപ്പിച്ചു. വിജയ് ബാബുവാണ് ചിത്രത്തിന്റെ നിര്‍മാതാവ്.

മുന്‍വിധികളില്ലാതെ സിനിമയെ സമീപിക്കുന്ന, ഒരു നല്ല സിനിമ അനുഭവം ആഗ്രഹിക്കുന്നവര്‍ക്ക് ധൈര്യമായി ടിക്കറ്റെടുക്കാവുന്ന സിനിമ തന്നെയാണ് അങ്കമാലി ഡയറീസ്. രണ്ട് മണിക്കൂര്‍ അങ്കമാലിക്കാര്‍ക്കൊപ്പം അവരുടെ ജീവിതത്തിനൊപ്പം ചെലവഴിച്ച അനുഭവവുമായി പ്രേക്ഷകര്‍ക്ക് തീയ്യറ്റര്‍ വിടാം.

റീല്‍ റിവേഴ്സ്

ഐ.എഫ്.എഫ്.കെയിലെ മലയാളസിനിമകള്‍

ഐ.എഫ്.എഫ്.കെയിലെ മലയാളസിനിമകള്‍

അന്താരാഷ്ട്ര ഫിലിംഫെസ്റ്റിവലായ ഐ.എഫ്.എഫ്.കെയിലെ മലയാളസിനിമകള്‍ ഏതെന്ന് തീരുമാനമായി. ടേക്ക് ഓഫ്, തൊണ്ടിമുതലും ദ്യക്സാക്ഷിയും, കറുത്തജൂതന്‍, അങ്കമാലി ഡയറീസ്, മറവി,...

നടന്‍ ജയന്റെ വീട് അനാഥാവസ്ഥയില്‍...

നടന്‍ ജയന്റെ വീട് അനാഥാവസ്ഥയില്‍...

ഒരുകാലത്ത് മലയാളസിനിമയിലെ പൗരുഷത്തിന്റെ പേരിന് ജയന്‍ എന്നും അര്‍ത്ഥമുണ്ടായിരുന്നു.സാഹസീകതയുടെ പര്യായമായ ആ താരത്തിന്റെ വീട് ഇന്ന് ചോര്‍ന്നൊലിച്ച്...

ഐ.എഫ്.എഫ്.കെ മത്സര വിഭാഗത്തില്‍ രണ്ടു മലയാളചിത്രങ്ങള്‍ മാത്രം

ഐ.എഫ്.എഫ്.കെ മത്സര വിഭാഗത്തില്‍ രണ്ടു മലയാളചിത്രങ്ങള്‍ മാത്രം

ഐ.എഫ്.എഫ്.കെ മത്സര വിഭാഗത്തില്‍ ഇത്തവണ രണ്ടു മലയാളചിത്രങ്ങള്‍ മാത്രമാണുള്ളത്. പ്രേം ശങ്കര്‍ സംവിധാനം ചെയ്ത് രണ്ടുപേര്‍, സഞ്ജു സുരേന്ദ്രന്റെ ഏദന്‍ എന്നിവയാണവ....

ഡാര്‍ക്ക് ത്രില്ലറായി വില്ലന്‍ - അനൂപ് അപ്പുണ്ണി

ഡാര്‍ക്ക് ത്രില്ലറായി വില്ലന്‍ - അനൂപ് അപ്പുണ്ണി

എല്ലാ സിനിമകളിലും നായകനുമുണ്ട് വില്ലനുമുണ്ട്. എന്നാല്‍ നായകനായ വില്ലന്‍ എങ്ങനെ രൂപപ്പെടുന്നു എന്ന അന്വേഷണമാണ് അക്ഷരാര്‍ത്ഥത്തില്‍ മോഹന്‍ലാലിന്റെ വില്ലന്‍....

ആള്‍ക്കൂട്ടത്തില്‍ തനിയെ.ഐ.വി.ശശി - സനിത അനൂപ്

ആള്‍ക്കൂട്ടത്തില്‍ തനിയെ.ഐ.വി.ശശി - സനിത അനൂപ്

ആദ്യകാല ന്യൂജനറേഷന്‍ സിനിമയുടെ തുടക്കം ഐ.വി.ശശിയുടെയും ആലപ്പിഷെരീഫിന്റേയും മികച്ച കയ്യടക്കത്തിലായിരുന്നു. ഉത്സവമായിരുന്നു ഈ ടീമിന്റെ ആദ്യ ചിത്രം. ഒരു നാടിന്റെ...

വിജയ്യുടെ മേര്‍സല്‍ പൊരിച്ചു

വിജയ്യുടെ മേര്‍സല്‍ പൊരിച്ചു

ഇളയദളപതി വിജയ്യുടെ മേര്‍സല്‍ തീയേറ്ററുകളെ ഇളക്കി മറിയ്ക്കുന്നു. കേരളത്തില്‍ മാത്രം ആയിരത്തിലധികം തീയേറ്ററുകളിലാണ് മേര്‍സല്‍ റിലീസ് ചെയ്തത്. മൂന്നു വ്യത്യസ്ത...

ദുല്‍ഖറിന്റെ സോളോ - അനൂപ് കെ.അപ്പുണ്ണി

ദുല്‍ഖറിന്റെ സോളോ - അനൂപ് കെ.അപ്പുണ്ണി

അക്ഷരാര്‍ത്ഥത്തില്‍ ഒരു ദുല്‍ഖര്‍ചിത്രമാണ് സോളോ. മികച്ച ഫ്രെയ്മുകളും കിടിലന്‍ ലൈറ്റപ്പുമായി സംവിധായകന്‍ ബിജോയ്നമ്പ്യാരും ടീമും മികച്ച കൈയ്യടി നേടുന്നുണ്ട്....

രാമലീല പൊളിറ്റിയ്ക്കല്‍ ക്രൈംത്രില്ലര്‍ - അനൂപ് അപ്പുണ്ണി

രാമലീല പൊളിറ്റിയ്ക്കല്‍ ക്രൈംത്രില്ലര്‍ - അനൂപ് അപ്പുണ്ണി

രാമലീല മികച്ച പൊളിറ്റിയ്ക്കല്‍ ക്രൈംത്രില്ലര്‍. സ്ക്രിപ്റ്റിന്റെ കരുത്തും മേയ്ക്കിംഗ് മികവുമാണ് രാമലീല കാണാന്‍ പ്രേക്ഷകരെ തീയേറ്ററിലെത്തിയ്ക്കുന്ന...


116 News Items found. Page 1 of12