പെണ്‍കരുത്തിന്റെ പ്രതീകമായ് സൈറാബാനു - അനുപമ എം. വാരിയര്‍

C/o Saira Banu movie review - CiniDiary

നവാഗതനായ ആന്റണി സോണി സംവിധാനം ചെയ്ത സിനിമയാണ് C/o സൈറാബാനു. മഞ്ജു വാര്യരും പഴയകാല നടി അമല അക്കിനേനിയും (എന്റെ സൂര്യപുത്രി ഫെയിം) കേന്ദ്രകഥാപാത്രങ്ങളെ അവതരിപ്പി്ക്കുന്ന സിനിമ പൂര്‍ണമായും സ്ത്രീ കേന്ദ്രീകൃതമാണ്. തിരിച്ചുവരവില്‍ മഞ്ജു വാര്യര്‍ക്ക് ലഭിച്ച ഏറ്റവും മികച്ച സിനിമകളിലൊന്ന്. നായകകേന്ദ്രീകൃതമല്ലാത്ത താരമൂല്യമില്ലാത്ത ചിത്രം കുടുംബപ്രേക്ഷകരെ തൃപ്തിപ്പെടുത്തുന്നതാണ്.

എറണാകുളമാണ് സിനിമയുടെ പശ്ചാത്തലം. പോസ്റ്റ് ഓഫീസില്‍ ജോലി ചെയ്യുന്ന സൈറാബാനുവിന് ഒരു വളര്‍ത്തുമകനുണ്ട്. ജോഷ്വ പീറ്റര്‍ ജോര്‍ജ്. ലോ കോളേജ് വിദ്യാര്‍ഥിയായ ജോഷ്വായ്ക്ക് ഫോട്ടോഗ്രാഫിയിലാണ് കമ്പം. ഒരു പ്രമുഖ പത്രത്തിലെ ഫോട്ടോഗ്രാഫറായിരുന്ന പീറ്റര്‍ ജോര്‍ജിന്റെ മകനാണ് ജോഷ്വാ. ഒരിക്കല്‍ ഫോട്ടോയെടുക്കാന്‍ കാടുകയറിയ പീറ്റര്‍ പിന്നെ മടങ്ങിവന്നില്ല. അങ്ങനെ ജോഷ്വാ സൈറയുടെ സംരക്ഷണയില്‍ വളരുന്നു. ഒരു ദിവസം ജോഷ്വാ ഓടിച്ച ബൈക്കിടിച്ച് അന്യസംസ്ഥാന തൊഴിലാളി മരണപ്പെടുന്നു. ഈ കേസില്‍ നിന്ന് മകനെ രക്ഷിക്കാന്‍ സാധാരണക്കാരിയായ സൈറാ ബാനു നടത്തുന്ന നിയമപോരാട്ടമാണ് സിനിമയുടെ പ്രമേയം.

റേഡിയോ ജോക്കിയായ പ്രശാന്ത് മേനോന്‍ ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. സ്ത്രീ കേന്ദ്രീകൃത സിനിമയൊരുക്കാനാണ് സംവിധായകന്റെ ശ്രമമെന്നതിനാല്‍ വൈകാരികതയെ തിരക്കഥാകൃത്ത് കൂടുതലായി ഉപയോഗിച്ചിട്ടുണ്ട്. ആദ്യപകുതിയില്‍ സിനിമ വേഗം കുറഞ്ഞാണ് സഞ്ചരിക്കുന്നത്. കഥ പറഞ്ഞുപോകുന്നതിനൊപ്പം തന്നെ സമകാലീന സംഭവവികാസങ്ങളും സിനിമയ്ക്ക് പ്രമേയമാകുന്നുണ്ട്. ഫോട്ടോഗ്രാഫര്‍ വിക്ടര്‍ ജോര്‍ജിന്റെ മരണം, കൊച്ചിയിലെ ചുംബന സമരം, അന്യസംസ്ഥാന തൊഴിലാളികളുടെ വരവ് ഉണ്ടാക്കുന്ന പ്രശ്നങ്ങള്‍ തുടങ്ങിയ സംഭവങ്ങളും വിഷയങ്ങളുമെല്ലാം തിരക്കഥയില്‍ ഉള്‍ക്കൊള്ളിച്ചിട്ടുണ്ട്. ഇവയെല്ലാം ബുദ്ധിപരമായി ബന്ധിപ്പിച്ചിട്ടുമുണ്ട് ഈ സിനിമയില്‍.

സിനിമയിലെ തന്റെ രണ്ടാം ഇന്നിങ്സില്‍ ഏറെക്കുറെ ടൈപ്പ്കാസ്റ്റ് ചെയ്യപ്പെട്ടു പോയ മഞ്ജുവിന് മികച്ചൊരു ബ്രേക്കായി മാറുന്നു സൈറാബാനുവെന്ന പോസ്റ്റ്വുമണിന്റെ വേഷം. സൈറാബാനുവിന്റെ കേന്ദ്രകഥാപാത്രത്തിനൊപ്പം കിടപിടിക്കുന്ന അഭിനയവുമായി അഡ്വ. ആനി ജോണ്‍ തറവാടിയായി അമലയും സ്ക്രീനില്‍ നിറഞ്ഞു നില്‍ക്കുന്നു. പ്രതിഭാശാലിയായ ക്രിമിനല്‍ അഭിഭാഷകയായി ആനിയെത്തുമ്പോള്‍ ജീവിതത്തിലെ പ്രതിസന്ധികളെ ധീരമായി അതിജീവിച്ചാണ് പ്രീഡിഗ്രിക്കാരി സൈറാബാനുവെത്തുന്നത്. ശബ്ദസാന്നിധ്യത്തിലൂടെ മലയാളത്തിന്റെ പ്രിയനടന്‍ മോഹന്‍ലാലും കഥാഗതിയില്‍ സ്വാധീനം ചെലുത്തുന്ന പീറ്റര്‍ ജോര്‍ജായി എത്തുന്നുവെന്ന പ്രത്യേകതയും ചിത്രത്തിനുണ്ട്. ഓരോ ചിത്രം കഴിയുന്തോറും അഭിനയം മെച്ചപ്പെടുന്ന ഷെയ്ന്‍ നിഗം ജോഷ്വാ പീറ്റര്‍ എന്ന നിയമവിദ്യാര്‍ഥിയുടെ കഥാപാത്രത്തെ കയ്യടക്കത്തോടെ സ്ക്രീനില്‍ പകര്‍ത്തുന്നു.

ഉപ്പും മുളകും എന്ന ജനപ്രിയ ടെലിവിഷന്‍ പരമ്പരയിലൂടെ ശ്രദ്ധേയനായ ബിജു സോപാനം അഡ്വ. സുബ്രഹ്മണ്യന്റെ വേഷത്തില്‍ മികച്ചു നില്‍ക്കുന്നു. സുനില്‍ സുഗത, ഗണേഷ് കുമാര്‍, രാഘവന്‍, നിരഞ്ജ അനൂപ്, ജോണ്‍ പോള്‍ എന്നിവരാണ് മറ്റു കഥാപാത്രങ്ങള്‍.

ആദ്യ ചിത്രത്തിലൂടെ തന്നെ കഴിവുറ്റ സംവിധായകനാണെന്ന് തെളിയിക്കാന്‍ ആന്റണി സോണിയ്ക്കായിട്ടുണ്ട്. കലാമൂല്യത്തിനൊപ്പം മാനുഷികമൂല്യങ്ങള്‍ക്കും പ്രാധാന്യം നല്‍കിയാണ് ആന്റണി തന്റെ അരങ്ങേറ്റ ചിത്രം ഹൃദ്യമായ ചലച്ചിത്രാനുഭവമാക്കി മാറ്റുന്നത്. ഹാസ്യരംഗങ്ങള്‍ വേണ്ടത്ര ഫലിച്ചില്ലെന്നതും യുവാക്കളെ ആകര്‍ഷിക്കാനുള്ള എനര്‍ജി ചിത്രത്തിനില്ലെന്നതും ഒരു ന്യൂനതയാണ്. എങ്കിലും ചിത്രം മുന്നോട്ടുവയ്ക്കുന്ന ആശയപരമായ നന്‍മ വലുതാണ്.

ചെറിയ ഇടവേളയ്ക്ക് ശേഷം സംഗീതസംവിധായകനായ മെജോ ജോസഫ് മടങ്ങിവരവ് നടത്തിയിരിക്കുന്ന ചിത്രമെന്ന പ്രത്യേകതയും സൈറാബാനുവിനുണ്ട്. പശ്ചാത്തല സംഗീതത്തിലും സംഗീതസംവിധാനത്തിലും മെജോ തന്റെ കൈയ്യൊപ്പ് പതിപ്പിച്ചിട്ടുണ്ട്. അബ്ദുള്‍ റഹീമാണ് ഛായാഗ്രഹണം. സാഗര്‍ദാസാണ് എഡിറ്റര്‍.

റീല്‍ റിവേഴ്സ്

ഐ.എഫ്.എഫ്.കെയിലെ മലയാളസിനിമകള്‍

ഐ.എഫ്.എഫ്.കെയിലെ മലയാളസിനിമകള്‍

അന്താരാഷ്ട്ര ഫിലിംഫെസ്റ്റിവലായ ഐ.എഫ്.എഫ്.കെയിലെ മലയാളസിനിമകള്‍ ഏതെന്ന് തീരുമാനമായി. ടേക്ക് ഓഫ്, തൊണ്ടിമുതലും ദ്യക്സാക്ഷിയും, കറുത്തജൂതന്‍, അങ്കമാലി ഡയറീസ്, മറവി,...

നടന്‍ ജയന്റെ വീട് അനാഥാവസ്ഥയില്‍...

നടന്‍ ജയന്റെ വീട് അനാഥാവസ്ഥയില്‍...

ഒരുകാലത്ത് മലയാളസിനിമയിലെ പൗരുഷത്തിന്റെ പേരിന് ജയന്‍ എന്നും അര്‍ത്ഥമുണ്ടായിരുന്നു.സാഹസീകതയുടെ പര്യായമായ ആ താരത്തിന്റെ വീട് ഇന്ന് ചോര്‍ന്നൊലിച്ച്...

ഐ.എഫ്.എഫ്.കെ മത്സര വിഭാഗത്തില്‍ രണ്ടു മലയാളചിത്രങ്ങള്‍ മാത്രം

ഐ.എഫ്.എഫ്.കെ മത്സര വിഭാഗത്തില്‍ രണ്ടു മലയാളചിത്രങ്ങള്‍ മാത്രം

ഐ.എഫ്.എഫ്.കെ മത്സര വിഭാഗത്തില്‍ ഇത്തവണ രണ്ടു മലയാളചിത്രങ്ങള്‍ മാത്രമാണുള്ളത്. പ്രേം ശങ്കര്‍ സംവിധാനം ചെയ്ത് രണ്ടുപേര്‍, സഞ്ജു സുരേന്ദ്രന്റെ ഏദന്‍ എന്നിവയാണവ....

ഡാര്‍ക്ക് ത്രില്ലറായി വില്ലന്‍ - അനൂപ് അപ്പുണ്ണി

ഡാര്‍ക്ക് ത്രില്ലറായി വില്ലന്‍ - അനൂപ് അപ്പുണ്ണി

എല്ലാ സിനിമകളിലും നായകനുമുണ്ട് വില്ലനുമുണ്ട്. എന്നാല്‍ നായകനായ വില്ലന്‍ എങ്ങനെ രൂപപ്പെടുന്നു എന്ന അന്വേഷണമാണ് അക്ഷരാര്‍ത്ഥത്തില്‍ മോഹന്‍ലാലിന്റെ വില്ലന്‍....

ആള്‍ക്കൂട്ടത്തില്‍ തനിയെ.ഐ.വി.ശശി - സനിത അനൂപ്

ആള്‍ക്കൂട്ടത്തില്‍ തനിയെ.ഐ.വി.ശശി - സനിത അനൂപ്

ആദ്യകാല ന്യൂജനറേഷന്‍ സിനിമയുടെ തുടക്കം ഐ.വി.ശശിയുടെയും ആലപ്പിഷെരീഫിന്റേയും മികച്ച കയ്യടക്കത്തിലായിരുന്നു. ഉത്സവമായിരുന്നു ഈ ടീമിന്റെ ആദ്യ ചിത്രം. ഒരു നാടിന്റെ...

വിജയ്യുടെ മേര്‍സല്‍ പൊരിച്ചു

വിജയ്യുടെ മേര്‍സല്‍ പൊരിച്ചു

ഇളയദളപതി വിജയ്യുടെ മേര്‍സല്‍ തീയേറ്ററുകളെ ഇളക്കി മറിയ്ക്കുന്നു. കേരളത്തില്‍ മാത്രം ആയിരത്തിലധികം തീയേറ്ററുകളിലാണ് മേര്‍സല്‍ റിലീസ് ചെയ്തത്. മൂന്നു വ്യത്യസ്ത...

ദുല്‍ഖറിന്റെ സോളോ - അനൂപ് കെ.അപ്പുണ്ണി

ദുല്‍ഖറിന്റെ സോളോ - അനൂപ് കെ.അപ്പുണ്ണി

അക്ഷരാര്‍ത്ഥത്തില്‍ ഒരു ദുല്‍ഖര്‍ചിത്രമാണ് സോളോ. മികച്ച ഫ്രെയ്മുകളും കിടിലന്‍ ലൈറ്റപ്പുമായി സംവിധായകന്‍ ബിജോയ്നമ്പ്യാരും ടീമും മികച്ച കൈയ്യടി നേടുന്നുണ്ട്....

രാമലീല പൊളിറ്റിയ്ക്കല്‍ ക്രൈംത്രില്ലര്‍ - അനൂപ് അപ്പുണ്ണി

രാമലീല പൊളിറ്റിയ്ക്കല്‍ ക്രൈംത്രില്ലര്‍ - അനൂപ് അപ്പുണ്ണി

രാമലീല മികച്ച പൊളിറ്റിയ്ക്കല്‍ ക്രൈംത്രില്ലര്‍. സ്ക്രിപ്റ്റിന്റെ കരുത്തും മേയ്ക്കിംഗ് മികവുമാണ് രാമലീല കാണാന്‍ പ്രേക്ഷകരെ തീയേറ്ററിലെത്തിയ്ക്കുന്ന...


116 News Items found. Page 1 of12