എസ്ര: ലക്ഷണമൊത്ത ഹൊറര്‍ സസ്പെന്‍സ് ത്രില്ലര്‍

Ezra malayalam movie review CiniDiary

മലയാളത്തിലെ ഹൊറര്‍ സിനിമ വിഭാഗത്തിലേക്ക് ഏറ്റവും ഒടുവില്‍ എത്തിയ സിനിമയാണ് നവാഗതനായ ജയ് കെ. സംവിധാനം ചെയ്ത എസ്ര. സംവിധായകന്‍ നേരത്തെ പറഞ്ഞതു പോലെ തന്നെ എസ്ര എന്നാല്‍ ഭയം മാത്രല്ല, കെട്ടുറപ്പുള്ളൊരു കഥയും സസ്പെന്‍സ് ത്രില്ലര്‍ എന്ന വിശേഷണവും എസ്രയ്ക്ക് അവകാശപ്പെടാനാവും. മലയാള സിനിമയുടെ സാങ്കേതിക പരിമിതികള്‍ക്കുള്ളില്‍ നിന്നു കൊണ്ട് നിലവാരമുള്ളൊരു സിനിമയാണ് ജെ.കെയും കൂട്ടരും പ്രേക്ഷകര്‍ക്ക് മുന്നില്‍ അവതരിപ്പിച്ചിരിക്കുന്നത്. സിനിമയ്ക്കു വേണ്ടി പണം മുടക്കിയ ഇ ഫോര്‍ എന്റര്‍ടെയ്ന്‍മെന്റിനും എവിഎ പ്രൊഡക്ഷന്‍സിനും ഇനി അഭിമാനിക്കാം.

ജൂത മതവിഭാഗത്തില്‍പ്പെട്ട എബ്രഹാം എസ്ര ആരായിരുന്നുവെന്ന കഥയോടൊപ്പം ജൂതന്‍മാരുടെ ഇടയിലെ മിത്തായ ഡീബുക്ക് ബോക്സ് എന്തെന്നും ഈ സിനിമ പ്രേക്ഷകര്‍ക്കു മുന്നില്‍ അനാവരണം ചെയ്യുന്നു. ഷിപ്പിംഗ് കമ്പനിയില്‍ ഉദ്യോഗസ്ഥനായ രഞ്ജന്‍ മാത്യുവിനെ (പൃഥ്വിരാജ്) ഒരു പ്രത്യേക പ്രോജക്ടിനായി മുംബൈയില്‍ നിന്ന് കൊച്ചിയിലേക്ക് അയക്കുന്നിടത്താണ് സിനിമയുടെ തുടക്കം. ഭാര്യ പ്രിയ (പ്രിയ ആനന്ദ്) ഇന്റീരിയര്‍ ഡിസൈനര്‍ ആണ്. കൊച്ചിയില്‍ ഒരു വില്ലയില്‍ താമസിക്കുന്നതിനിടെ ജൂതന്‍മാരുടെ ഡീബുക്ക് ബോക്സ് പ്രിയ വാങ്ങിക്കൊണ്ട് വരുന്നു. അതേത്തുടര്‍ന്ന് വീട്ടില്‍ പ്രശ്നങ്ങള്‍ ഉടലെടുക്കുന്നു. അത് തരണം ചെയ്യാന്‍ അവര്‍ ശ്രമിക്കുന്നതാണ് സിനിമയുടെ ഇതിവൃത്തം.

ബോറടിപ്പിക്കാതെ ഹോളിവുഡ് സിനിമ സ്റ്റൈലില്‍ പ്രേക്ഷകനെ പിടിച്ചിരുത്താന്‍ സിനിമയ്ക്ക് കഴിയുന്നുണ്ട്. ഓരോ ഫ്രെയിമിലും ആകാംക്ഷ ജനിപ്പിക്കുന്ന പശ്ചാത്തല സംഗീതം ഒരുക്കുന്നതില്‍ സുശീല്‍ ശ്യം വിജയിച്ചു. സിനിമയുടെ ആദ്യപകുതി കഥ പറയാനുള്ള മുന്നൊരുക്കങ്ങള്‍ നടത്തുന്നതിനാല്‍ ചെറിയ ഇഴച്ചില്‍ അനുഭവപ്പെടുന്നുണ്ടെങ്കിലും രണ്ടാം പകുതിയിലേക്ക് വരുമ്പോള്‍ ചിത്രത്തിന് ചടുലത കൈവരുന്നു. ശാന്തി കിട്ടാതെ അലഞ്ഞു നടക്കുന്ന ആത്മാക്കളെ കുടിയിരുത്തുന്ന ആവാഹനപ്പെട്ടിയായ ഡീബുക്ക് ബോക്സിന്റെ ചുരുളും അഴിയപ്പെടുന്നത് രണ്ടാം പകുതിയിലാണ്. എസ്ര ആരാണെന്നും എന്താണെന്നുമൊക്കെ തീയ്യറ്ററില്‍ നിന്ന് കണ്ടറിയണം.

രഞ്ജന്‍ എബ്രഹാമിനെ അവതരിപ്പിച്ച പൃഥ്വിരാജ് തന്റെ കഥാപാത്രം മികവുറ്റതാക്കി. തമിഴ്, തെലുങ്ക് സിനിമകളില്‍ തിളങ്ങുന്ന പ്രിയ ആനന്ദിന്റെ ആദ്യ മലയാള സിനിമ എന്ന പ്രത്യേകതയും എസ്രയ്ക്കുണ്ട്. മഹേഷിന്റെ പ്രതികാരം, ഞാന്‍ സ്റ്റീവ് ലോപ്പസ് തുടങ്ങിയ സിനിമകളില്‍ മികവാര്‍ന്ന പ്രകടനം കാഴ്ച വെച്ച സുജിത് ജൂതപുരോഹിതന്റെ വേഷത്തില്‍ തിളങ്ങി. പോലീസ് ഓഫീസറായി എത്തിയ ടൊവിനോ തോമസ് തന്റെ കഥാപാത്രത്തോട് പൂര്‍ണമായും നീതി പുലര്‍ത്തി. സുദേവ് നായര്‍, ആന്‍ ശീതള്‍, വിജയരാഘവന്‍, പ്രതാപ് പോത്തന്‍ എന്നിവരും മികച്ച പ്രകടനമാണ് കാഴ്ച വെച്ചത്. ക്യാമറ കൊണ്ട് സുജിത് വാസുദേവും പശ്ചാത്തല സംഗീതം കൊണ്ട് സുശീല്‍ ശ്യാമും ലൈലാകമേ... എന്ന പാട്ടിന്റെ ഈണഭംഗി കൊണ്ട് രാഹുല്‍ രാജും തീയ്യറ്ററില്‍ കയ്യടി നേടുന്നുണ്ട്.

ആദ്യ സംവിധാന സംരംഭം എന്ന നിലയില്‍ ജയ്് കെ.യ്ക്ക് അഭിമാനിക്കാവുന്ന സിനിമയാണ് എസ്ര. അധികമാരും കൈവയ്ക്കാന്‍ ധ്യൈം കാണിക്കാത്ത പ്രമേയത്തെ കയ്യടക്കത്തോടെ അദ്ദേഹം അവതരിപ്പിച്ചിരിക്കുന്നു. ആദ്യം മുതല്‍ അവസാനം വരെ പ്രേക്ഷകരില്‍ ആകാംക്ഷ ജനിപ്പിക്കുന്ന ലക്ഷണമൊത്ത ഒരു ഹൊറര്‍ സസ്പെന്‍സ് ത്രില്ലറാണ് എസ്രയെന്ന് നിസ്സംശയം പറയാം.

റീല്‍ റിവേഴ്സ്

ഐ.എഫ്.എഫ്.കെയിലെ മലയാളസിനിമകള്‍

ഐ.എഫ്.എഫ്.കെയിലെ മലയാളസിനിമകള്‍

അന്താരാഷ്ട്ര ഫിലിംഫെസ്റ്റിവലായ ഐ.എഫ്.എഫ്.കെയിലെ മലയാളസിനിമകള്‍ ഏതെന്ന് തീരുമാനമായി. ടേക്ക് ഓഫ്, തൊണ്ടിമുതലും ദ്യക്സാക്ഷിയും, കറുത്തജൂതന്‍, അങ്കമാലി ഡയറീസ്, മറവി,...

നടന്‍ ജയന്റെ വീട് അനാഥാവസ്ഥയില്‍...

നടന്‍ ജയന്റെ വീട് അനാഥാവസ്ഥയില്‍...

ഒരുകാലത്ത് മലയാളസിനിമയിലെ പൗരുഷത്തിന്റെ പേരിന് ജയന്‍ എന്നും അര്‍ത്ഥമുണ്ടായിരുന്നു.സാഹസീകതയുടെ പര്യായമായ ആ താരത്തിന്റെ വീട് ഇന്ന് ചോര്‍ന്നൊലിച്ച്...

ഐ.എഫ്.എഫ്.കെ മത്സര വിഭാഗത്തില്‍ രണ്ടു മലയാളചിത്രങ്ങള്‍ മാത്രം

ഐ.എഫ്.എഫ്.കെ മത്സര വിഭാഗത്തില്‍ രണ്ടു മലയാളചിത്രങ്ങള്‍ മാത്രം

ഐ.എഫ്.എഫ്.കെ മത്സര വിഭാഗത്തില്‍ ഇത്തവണ രണ്ടു മലയാളചിത്രങ്ങള്‍ മാത്രമാണുള്ളത്. പ്രേം ശങ്കര്‍ സംവിധാനം ചെയ്ത് രണ്ടുപേര്‍, സഞ്ജു സുരേന്ദ്രന്റെ ഏദന്‍ എന്നിവയാണവ....

ഡാര്‍ക്ക് ത്രില്ലറായി വില്ലന്‍ - അനൂപ് അപ്പുണ്ണി

ഡാര്‍ക്ക് ത്രില്ലറായി വില്ലന്‍ - അനൂപ് അപ്പുണ്ണി

എല്ലാ സിനിമകളിലും നായകനുമുണ്ട് വില്ലനുമുണ്ട്. എന്നാല്‍ നായകനായ വില്ലന്‍ എങ്ങനെ രൂപപ്പെടുന്നു എന്ന അന്വേഷണമാണ് അക്ഷരാര്‍ത്ഥത്തില്‍ മോഹന്‍ലാലിന്റെ വില്ലന്‍....

ആള്‍ക്കൂട്ടത്തില്‍ തനിയെ.ഐ.വി.ശശി - സനിത അനൂപ്

ആള്‍ക്കൂട്ടത്തില്‍ തനിയെ.ഐ.വി.ശശി - സനിത അനൂപ്

ആദ്യകാല ന്യൂജനറേഷന്‍ സിനിമയുടെ തുടക്കം ഐ.വി.ശശിയുടെയും ആലപ്പിഷെരീഫിന്റേയും മികച്ച കയ്യടക്കത്തിലായിരുന്നു. ഉത്സവമായിരുന്നു ഈ ടീമിന്റെ ആദ്യ ചിത്രം. ഒരു നാടിന്റെ...

വിജയ്യുടെ മേര്‍സല്‍ പൊരിച്ചു

വിജയ്യുടെ മേര്‍സല്‍ പൊരിച്ചു

ഇളയദളപതി വിജയ്യുടെ മേര്‍സല്‍ തീയേറ്ററുകളെ ഇളക്കി മറിയ്ക്കുന്നു. കേരളത്തില്‍ മാത്രം ആയിരത്തിലധികം തീയേറ്ററുകളിലാണ് മേര്‍സല്‍ റിലീസ് ചെയ്തത്. മൂന്നു വ്യത്യസ്ത...

ദുല്‍ഖറിന്റെ സോളോ - അനൂപ് കെ.അപ്പുണ്ണി

ദുല്‍ഖറിന്റെ സോളോ - അനൂപ് കെ.അപ്പുണ്ണി

അക്ഷരാര്‍ത്ഥത്തില്‍ ഒരു ദുല്‍ഖര്‍ചിത്രമാണ് സോളോ. മികച്ച ഫ്രെയ്മുകളും കിടിലന്‍ ലൈറ്റപ്പുമായി സംവിധായകന്‍ ബിജോയ്നമ്പ്യാരും ടീമും മികച്ച കൈയ്യടി നേടുന്നുണ്ട്....

രാമലീല പൊളിറ്റിയ്ക്കല്‍ ക്രൈംത്രില്ലര്‍ - അനൂപ് അപ്പുണ്ണി

രാമലീല പൊളിറ്റിയ്ക്കല്‍ ക്രൈംത്രില്ലര്‍ - അനൂപ് അപ്പുണ്ണി

രാമലീല മികച്ച പൊളിറ്റിയ്ക്കല്‍ ക്രൈംത്രില്ലര്‍. സ്ക്രിപ്റ്റിന്റെ കരുത്തും മേയ്ക്കിംഗ് മികവുമാണ് രാമലീല കാണാന്‍ പ്രേക്ഷകരെ തീയേറ്ററിലെത്തിയ്ക്കുന്ന...


116 News Items found. Page 1 of12