എബി പറക്കുകയാണ്, ഉയരങ്ങളിലേക്ക് - അനുപമ എം. വാരിയര്‍

abi malayalam movie review CiniDiary

നിങ്ങള്‍ക്ക് തീവ്രമായ ഒരു സ്വപ്നമുണ്ടെങ്കില്‍ ആ സ്വപ്ന സാക്ഷാത്കാരത്തിനായി ലോകം മുഴുവന്‍ കൂടെ വരുമെന്ന പൗലോ കൊയ്ലോയുടെ വാക്കുകള്‍ ഒരിക്കല്‍കൂടി അന്വര്‍ത്ഥമാകുകയാണ് എബിയിലൂടെ. അതെ, എബി സ്വപ്നം കാണുന്നവന്റെ കഥയാണ്. ഒരു മികച്ച ഫീല്‍ ഗുഡ് മോട്ടിവേഷണല്‍ സിനിമ. പറക്കണം എന്ന സ്വപ്നം യാഥാര്‍ത്ഥ്യമാക്കാന്‍ കഠിനപരിശ്രമം ചെയ്യുന്ന യുവാവിന്റെ കഥ പറയുന്ന ചിത്രം പ്രേക്ഷകന്റെ കണ്ണു നനച്ചും ഉള്ളു നിറച്ചുമാണ് മുന്നോട്ട് പോകുന്നത്.



ഹൈറേഞ്ചിലെ ഒരു ഗ്രാമത്തില്‍ ജനിച്ചു വളര്‍ന്നയാളാണ് എബി. ഒരു സാധാരണ കുട്ടിയുടെ പ്രകൃതമായിരുന്നില്ല എബിക്ക്. വളരെ വൈകിയാണ് അവന്‍ സംസാരിക്കാന്‍ തുടങ്ങിയത്. അവന് വേണ്ടി ഏറെ കഷ്ടപ്പെട്ട അമ്മയെ ഒന്ന് അമ്മേ എന്ന് വിളിക്കാന്‍ പോലും അവന് കഴിഞ്ഞിട്ടില്ല. അതിനു മുമ്പ് അമ്മ അവനെ വിട്ടുപോയി. മരിയാപുരം ഗ്രാമത്തില്‍ അവനെ മനസ്സിലാക്കിയ ഒരാളെ ഉണ്ടായിരുന്നുള്ളൂ. കളിക്കൂട്ടുകാരിയും സഹപാഠിയുമായ അനുമോള്‍.

പറക്കുന്നതിനെക്കുറിച്ച് മാത്രം സ്വപ്നം കണ്ട് നടന്ന എബി ഗ്രാമവാസികള്‍ക്ക് വലിയ കാര്യമുള്ള വിഷയമായിരുന്നില്ല. സുഖമില്ലാത്ത കുട്ടി എന്ന പരിഗണന ലഭിച്ചിരുന്നു. എന്നാല്‍, സ്വന്തം പിതാവില്‍ നിന്ന് അവന് യാതൊരു പരിഗണനയും ലഭിച്ചില്ല. എബിയുടെ പറക്കാനുള്ള മോഹത്തില്‍ മാത്രം ഒതുങ്ങി നിന്ന സിനിമ രണ്ടാം പകുതിയില്‍ എബിയെ അവന്റെ സ്വപ്നലോകത്തോട് കൂടുതല്‍ അടുപ്പിക്കുന്നുണ്ട്. വലുതായപ്പോള്‍ കിട്ടുന്ന യന്ത്രങ്ങളുടെ പ്രവര്‍ത്തനങ്ങളെല്ലാം എബി പഠിച്ചെടുക്കാന്‍ തുടങ്ങി. വര്‍ക് ഷോപ്പിലെ ജോലിക്കാരനായിരിക്കെ വണ്ടികള്‍ നന്നാക്കി അമ്പരിപ്പിച്ചു. എല്ലാം പറക്കുകയെന്ന ഒറ്റ ലക്ഷ്യത്തിനു വേണ്ടിയായിരുന്നു. അറിയാത്ത നാടും അറിയാത്ത ആളുകളെയും കണ്ട് എബി അവസാനം തന്റെ സ്വപ്നം സാക്ഷാത്കരിച്ചെടുക്കുന്നു. എബിയുടെ ആഗ്രഹവും അത് സാധിക്കാന്‍ വേണ്ടി അയാള്‍ നടത്തുന്ന ശ്രമങ്ങളുമാണ് ചിത്രത്തിന്റെ പ്രമേയം.

ശക്തമായ പ്രമേയത്തെ അതിന്റെ ഗൗരവം ഒട്ടും ചോര്‍ന്ന് പോകാതെ അവതരിപ്പിക്കാന്‍ സംവിധായകന് കഴിഞ്ഞിട്ടുണ്ട്. പരസ്യചിത്ര സംവിധായകനായി ശ്രദ്ധ നേടിയ ശ്രീകാന്ത് മുരളി തന്റെ കന്നി സംരംഭത്തില്‍ തെല്ലും നിരാശപ്പെടുത്തിയില്ല. ഇഴച്ചില്‍ അനുഭവപ്പെടാതെ ബോറടിപ്പിക്കാതെ പ്രേക്ഷകരെ തീയ്യറ്ററില്‍ പിടിച്ചിരുത്താന്‍ ചിത്രത്തിനായിട്ടുണ്ട്.



വിനീതിന്റെ കരിയറിലെ മികച്ച കഥാപാത്രം തന്നെയാണ് എബി. ചിത്രത്തില്‍ വിനീതിന് സംഭാഷണങ്ങള്‍ കുറവാണ്. ശരീരഭാഷ കൊണ്ട് കഥാപാത്രത്തെ പൂര്‍ണമാക്കാനുള്ള ശ്രമം വിനീതിന്റെ ഭാഗത്തു നിന്നും ഉണ്ടായിട്ടുണ്ട്. വിനീതിന്റെ കുട്ടിക്കാലം അവതരിപ്പിച്ച വസുദേവ് എന്ന കുട്ടിയുടെ പ്രകടനം അതിമനോഹരമായിരുന്നു. വിനീതിന്റെ അമ്മയായി വേഷമിട്ട വിനീത കോശിയും വിനീതിന്റെ അച്ഛനായെത്തിയ സുധീര്‍ കരമനയും സുരാജ് വെഞ്ഞാറമ്മൂട്, അജു വര്‍ഗ്ഗീസ്, മെറീന മൈക്കിള്‍, ഹരീഷ് പേരാടി, മനീഷ് ചൗധരി എന്നിവരും തങ്ങളുടെ വേഷങ്ങള്‍ മികച്ചതാക്കി. രചന നിര്‍വഹിച്ച സന്തോഷ് എച്ചിക്കാനവും സംഗീത സംവിധാനം നിര്‍വഹിച്ച ബിജിബാലും അനില്‍ ജോണ്‍സണും ജേസണ്‍ ജെ. നായരും മികച്ചു നിന്നു. റഫീക് അഹമ്മദിന്റെയും സന്തോഷ് വര്‍മ്മയുടേതുമാണ് വരികള്‍. ഛായാഗ്രഹണവും എഡിറ്റിംഗുമെല്ലാം സിനിമയ്ക്ക് അനുയോജ്യമായി. കുഞ്ഞിരാമായണത്തിലൂടെ നിര്‍മാണരംഗത്തെത്തിയ സുവിന്‍ കെ.വര്‍ക്കിയാണ് ചിത്രം നിര്‍മിച്ചിരിക്കുന്നത്.

ഒരു മികച്ച ഫാമിലി എന്റര്‍ടെയ്നറായ എബി എല്ലാത്തരം പ്രേക്ഷകരെയും തൃപ്തിപ്പെടുത്തുമെന്ന കാര്യത്തില്‍ തര്‍ക്കമില്ല.

റീല്‍ റിവേഴ്സ്

തീയേറ്ററുകളെ ഇളക്കിമറിയ്ക്കാന്‍ ഓണച്ചിത്രങ്ങള്‍

തീയേറ്ററുകളെ ഇളക്കിമറിയ്ക്കാന്‍ ഓണച്ചിത്രങ്ങള്‍

ഓണച്ചിത്രങ്ങളുടെ അങ്കപ്പുറപ്പാടിനായാണ് സിനിമാലോകം ഇപ്പോള്‍ കാത്തിരിയ്ക്കുന്നത്. മമ്മൂട്ടി, മോഹന്‍ലാല്‍, നിവിന്‍ പോളി, പ്യഥ്വിരാജ്, ദുല്‍ഖര്‍, ദിലീപ്...

വ്യത്യസ്തതയുടെ ഓപ്പണ്‍ ഫ്രിഡ്ജ്  - സനിത അനൂപ്

വ്യത്യസ്തതയുടെ ഓപ്പണ്‍ ഫ്രിഡ്ജ് - സനിത അനൂപ്

വൈറ്റ് കോളര്‍ ജോലിയുടെ സുരക്ഷിത താവളമായ ഐ.ടി. മേഖല ഉപേക്ഷിച്ച് സേവനവഴിയില്‍ ജീവിതം ആരംഭിയ്ക്കുന്ന നായകനെ അവതരിപ്പിച്ച് ഓപ്പണ്‍ ഫ്രിഡ്ജ് കൈയ്യടി നേടുന്നു....

കലവൂര്‍ രവികുമാര്‍ സിനിമക്കുള്ളിലെ കഥ പറയുന്നു.

കലവൂര്‍ രവികുമാര്‍ സിനിമക്കുള്ളിലെ കഥ പറയുന്നു.

ജീവിതത്തിലും സിനിമയിലും ഒരേപോലെ കഥാപാത്രങ്ങളായവരുടെ കഥയാണിത്. ഇത് സിനിമയ്ക്കുളളിലെ കഥ. ഒരു സിനിമായൂണിറ്റ് പോലെ ജീവിതം ലൊക്കേഷനില്‍ നിന്ന് ലൊക്കേഷനിലേക്ക്...

പ്രണയപുണ്യങ്ങളില്‍ ശ്രീവിദ്യ.......

പ്രണയപുണ്യങ്ങളില്‍ ശ്രീവിദ്യ.......

രഞ്ജിത്തിന്റെ തിരക്കഥ എന്ന ചിത്രത്തിലെ കേന്ദ്രകഥാപാത്രത്തിന് ശ്രീവിദ്യയുടെ ജീവിതവുമായി സാമ്യമുണ്ടെന്നും കമലഹാസന് വിദ്യയുമായുണ്ടായിരുന്ന പ്രണയമാണ് അതിലെ...

യൂത്ത്താരങ്ങളുടെ ന്യൂലുക്ക്  - അനൂപ് ചാലിശ്ശേരി

യൂത്ത്താരങ്ങളുടെ ന്യൂലുക്ക് - അനൂപ് ചാലിശ്ശേരി

തേഞ്ഞു പഴകിയ വേഷങ്ങളില്‍ സൂപ്പര്‍താരങ്ങള്‍ വീണ്ടും വീണ്ടും മുഷിപ്പിക്കുമ്പോള്‍ യുവതാരങ്ങള്‍ അരങ്ങു തകര്‍ക്കുന്നു. ഇമേജുകള്‍ക്കപ്പുറം തന്നിലെ നടനെ...

വര്‍ത്തമാനകാല രാഷ്ട്രീയ നേർകാഴ്ചയുമായി ടിയാൻ  -  രമ്യ. പി.പി

വര്‍ത്തമാനകാല രാഷ്ട്രീയ നേർകാഴ്ചയുമായി ടിയാൻ - രമ്യ. പി.പി

ഉത്തരേന്ത്യയിലെ ഗാഗ്രാവാഡിയെന്ന ഗ്രാമത്തെ പശ്ചാത്തലമാക്കിയാണ് ടിയാൻ കഥ പറയുന്നത്. നാഗരികതയില്‍ നിന്ന് ഏറെ അകലെ നില്‍ക്കുന്ന ഈ ഗ്രാമത്തില്‍ പകുതിയോളം പേര്‍...

സഞ്ജയ് ദത്തും സിനിമയും പിന്നെ മാധുരിയും - അനൂപ് ചാലിശ്ശേരി

സഞ്ജയ് ദത്തും സിനിമയും പിന്നെ മാധുരിയും - അനൂപ് ചാലിശ്ശേരി

സഞ്ജയ് ദത്തിന്റെ ആത്മകഥ സിനിമയാക്കുന്നു എന്ന വാര്‍ത്തയ്‌ക്കൊപ്പം തന്നെ തുടങ്ങിയതാണ് അതിനു പിന്നാലെയുള്ള വിവാദങ്ങളും. ഒരു കാലത്ത് ബോളിവുഡിനെ...


106 News Items found. Page 1 of11