സിനിമ പിന്‍വലിക്കുന്നു, വേണമെങ്കില്‍ പറമ്പില്‍ പ്രദര്‍ശിപ്പിക്കുമെന്ന് സലിംകുമാര്‍

 Actor Salim Kumar withdraw Compartment from theatres

കംപാര്‍ട്ട്മെന്റ് എന്ന തന്റെ ആദ്യസംവിധാന സംരംഭത്തോട് മുഖം തിരിച്ച പ്രേക്ഷകരോടും തിയറ്ററുകള്‍ക്കുമെതിരെ സലിംകുമാര്‍. തിയറ്ററുകള്‍ വാണിജ്യ വിജയം മാത്രം ലക്ഷ്യമിട്ട് സിനിമകളെ സമീപിക്കുന്നതില്‍ പ്രതിഷേധിച്ച് കമ്പാര്‍ട്ട്‌മെന്റ് എന്ന തന്റെ ചിത്രം തിയറ്ററുകളില്‍ നിന്ന് പിന്‍വലിക്കുന്നതായി സലിംകുമാര്‍. കണ്ണാടിയിലെ സ്വന്തം പ്രതിബിംബം പോലും കാണാന്‍ ആഗ്രഹിക്കാത്ത മലയാളിയാണ് സിനിമാ പ്രദര്‍ശനത്തിന് തടസ്സമാകുന്നത്. സിനിമാ തീയറ്ററില്‍ തമിഴ് സിനിമകള്‍ക്കാണ് പ്രിയം. ജനം കൂടുതലായെത്തുന്ന സമയത്തെല്ലാം തമിഴ് സിനിമ ഓടിക്കാനാണ് തിയറ്ററുകാര്‍ക്ക് താല്‍പര്യം. സര്‍ക്കാര്‍ തീയറ്ററില്‍ പോലും ഇതാണ് ചെയ്യുന്നത്. മലയാളത്തില്‍ ആദ്യമായാണ് കംപാര്‍ട്ട്‌മെന്റ് പോലുള്ള സിനിമ. റിലീസ് ചെയ്ത ശേഷം പ്രദര്‍ശനം നിര്‍ത്തിവെക്കാനാവശ്യപ്പെട്ട ആദ്യമലയാള പടവും ഇതാണെന്ന് സലിംകുമാര്‍. 75 ലക്ഷം രൂപയാണ് സിനിമയുടെ നിര്‍മ്മാണ ചെലവെന്നും സലിംകുമാര്‍ പറഞ്ഞു. സര്‍ക്കാര്‍ തിയറ്ററുകള്‍ വരെ ലാഭം നോക്കി മാത്രം പ്രവര്‍ത്തിക്കുന്നവയാണെന്നും നിലവാരമുള്ള സിനിമകള്‍ക്കു സര്‍ക്കാര്‍ തിയറ്ററുകളില്‍ പോലും സ്ഥലമില്ലെന്നും അദ്ദേഹം പറഞ്ഞു. വിഷുവിനു ശേഷം സിനിമ വീണ്ടും തിയറ്ററുകളില്‍ എത്തിക്കാനായില്ലെങ്കില്‍ പ്രൊജക്റ്ററുമായി പറമ്പുകളില്‍ പ്രദര്‍ശനം നടത്താന്‍ മടിയില്ല.


എന്നെ തെറി വിളിച്ചില്ലേ, പിന്നെ എങ്ങിനെ ഓസ്‌കര്‍ കുളമാകാതിരിക്കും

 Donald Trump Blames Oscars Fail On Shows Political Tone

ഓസ്കാർ വേദിയിലെ കടുത്ത വിമര്‍ശനങ്ങള്‍ക്ക് മറുപടിയുമായി യു.എസ്. പ്രസിഡന്റ് ഡൊണാള്‍ഡ് ട്രംപ്. ഓസ്കർ ചടങ്ങ് കുളമാവാൻ കാരണം ഹോളിവുഡിന് തന്നെ വിമര്‍ശിക്കാനുള്ള അമിതമായ താത്പര്യമാണെന്നാണ് ട്രംപിന്റെ വാദം.ബ്രെയ്റ്റ്ബാര്‍ട്ട് എന്ന വെബ്സൈറ്റിന് നല്‍കിയ അഭിമുഖത്തില്‍
സിനിമയിലായിരുന്നില്ല, തന്നെ ചീത്ത വിളിക്കാനായിരുന്നു സംഘാടകരുടെ ശ്രദ്ധയെന്നും ട്രംപ് കുറ്റപ്പെടുത്തി.

രാഷ്ട്രീയത്തില്‍ മാത്രം ശ്രദ്ധ കേന്ദ്രീകരിച്ചത് സങ്കടകരമായ കാര്യമാണ്. ഓസ്‌കര്‍ ചടങ്ങിന്റെ ശോഭ കെടുത്തുന്നതായി അത്. ഞാന്‍ ഇതിന് മുന്‍പും ഓസ്‌കര്‍ ചടങ്ങില്‍ പങ്കെടുത്തിട്ടുണ്ട്. എന്നാല്‍, ഇക്കുറി എന്തിന്റെയോ കുറവുണ്ടായിരുന്നു. അതൊരു ഗ്ലാമര്‍ സായാഹ്നമായിരുന്നില്ല. സങ്കടകരമായാണ് ചടങ്ങ് അവസാനിച്ചതെന്നും ട്രംപ് പറഞ്ഞു.


താന്‍ മദ്യപിക്കാറുണ്ടെന്ന് റിമ കല്ലിങ്കല്‍

 I used to drink alcohol Rima Kallingal

താന്‍ മദ്യപിക്കാറുണ്ടെന്ന് നടി റിമ കല്ലിങ്കല്‍. മഞ്ജു വാര്യരും റിമ കല്ലിങ്കലും പ്രധാന വേഷത്തില്‍ അഭിനയിച്ച റാണി പദ്മിനി എന്ന ചിത്രത്തിന്റെ പ്രചരണവുമായി ബന്ധപ്പെട്ട് ഒരു ടെലിഷിഷന്‍ ഷോയിലാണ് റിമ ഇക്കാര്യം തുറന്നടിച്ചത്. ഏഷ്യാനെറ്റിലെ കോമഡി ഷോ താരങ്ങളുമായായിരുന്നു റിമയുടെയും മഞ്ജുവിന്റെയും ടോക്ക് ഷോ. പരിപാടിയില്‍ കോമഡി താരങ്ങള്‍ ഉന്നയിച്ച ചോദ്യത്തിന് മറുപടിയായാണ് റിമ ഇത് പറഞ്ഞത്. ഋതുവിലെ മദ്യപിക്കുന്ന കഥാപാത്രമായി എങ്ങനെ ഇത്ര കൃത്യമായി അഭിനയിച്ചു ഈ വേഷം ചെയ്യുന്നതിന് എന്തെങ്കിലും തയ്യാറെടുപ്പുകള്‍ വേണ്ടിവന്നിരുന്നോ എന്നായിരുന്നു ചോദ്യം.

എന്നാല്‍ ജീവിതത്തിലും മദ്യപിക്കുന്നതിനാല്‍ പ്രത്യേകിച്ച് തയ്യാറെടുപ്പുകള്‍ ഒന്നും വേണ്ടി വന്നില്ലെന്നായിരുന്നു റിമയുടെ തുറന്നടിച്ചുള്ള മറുപടി. ചോദ്യകര്‍ത്താവിനെ അമ്പരപ്പിച്ച മറുപടിക്ക് പിന്നാലെ സത്യം പറഞ്ഞതാണെന്ന് ആണയിട്ട് റിമ ഇക്കാര്യം ഉറപ്പിക്കുകയും ചെയ്യുന്നു.


സത്യ'സന്ധ'ന്‍ അന്തിക്കാടിനെക്കുറിച്ച് മഞ്ജുവാര്യര്‍

 Manju Warrier likes sathyan anthikkad

സത്യന്‍ അന്തിക്കാടിനെ സത്യസന്ധന്‍ അന്തിക്കാടെന്ന് വിശേഷിപ്പിച്ച് മഞ്ജു വാര്യരുടെ കുറിപ്പ്. മാര്‍ച്ച് അവസാനവാരം സത്യന്‍ അന്തിക്കാടിന്റെ സംവിധാനത്തില്‍ എത്തുന്ന എന്നും എപ്പോഴും എന്ന സിനിമയിലെ ചിത്രീകരണഅനുഭവങ്ങള്‍ പങ്കുവച്ചുള്ള ഫേസ്ബുക്ക് കുറിപ്പിലാണ് മഞ്ജു സത്യന്‍ അന്തിക്കാടുമായുള്ള ആത്മബന്ധത്തെക്കുറിച്ച് വാചാലയാകുന്നത്. മഞ്ജുവാര്യരുടെ കുറിപ്പ് ഇങ്ങനെ "സത്യനങ്കിളിനെ എത്രയോ കാലമായി അറിയാം. അങ്ങനെമാത്രംപറഞ്ഞാല്‍ ആ ബന്ധത്തിലെ അടുപ്പം കുറഞ്ഞുപോകും. എന്നും എപ്പോഴും എന്റെ കുടുംബത്തിലൊരാള്‍ തന്നെയാണ് അദ്ദേഹമെന്ന് തോന്നാറുണ്ട്. ജീവിതത്തിലെ പല ഘട്ടങ്ങളിലും സത്യനങ്കിള്‍ എനിക്ക് തുണയായി. അദ്ദേഹത്തിന്റെ അഭിപ്രായം എപ്പോഴും നന്മയുടെ പക്ഷത്ത് നിന്നുകൊണ്ടുള്ളതാകും.



ആരെയും കുറ്റപ്പെടുത്താതെ എന്താണ് ശരിയെന്ന് സത്യനങ്കിള്‍ പറഞ്ഞുതരും. സത്യസന്ധന്‍ അന്തിക്കാട് എന്ന പേരാണ് അങ്കിളിന് യഥാര്‍ഥത്തില്‍ ചേരുക. എന്റെ നാടായ പുള്ളിന്റെ അങ്ങേക്കരയാണ് അന്തിക്കാട്. എന്റെ വീട്ടില്‍ നിന്ന് ഒന്ന് നീട്ടിവിളിച്ചാല്‍ സത്യനങ്കിളിന്റെ വീട്ടില്‍കേള്‍ക്കാമെന്ന് വേണമെങ്കില്‍ പറയാം. എന്നും എപ്പോഴും സത്യനങ്കിള്‍ വിളിപ്പുറത്തുണ്ട് എന്നതാണ് സിനിമയിലേക്ക് വീണ്ടും വന്നപ്പോള്‍ എനിക്കുണ്ടായിരുന്ന ധൈര്യങ്ങളിലൊന്ന്. എന്നും എപ്പോഴും എന്ന സിനിമയുടെ സെറ്റിനെക്കുറിച്ച് പറഞ്ഞാല്‍ സത്യനങ്കിളിന്റെ ഒരു സിനിമയുടെ പേര് തന്നെയാകും അത്കുടുംബപുരാണം!. അങ്കിളിനൊപ്പം മകന്‍ അഖില്‍. പിന്നെ അത്രയും അടുപ്പമുള്ള കുറേപ്പേര്‍. എത്രയോ കാലമായി അവരെല്ലാം സത്യനങ്കിളിനൊപ്പമുണ്ട്. ഒരു കുടുംബത്തിലുള്ളവര്‍ ചേര്‍ന്ന് ഒരു സിനിമയുണ്ടാക്കുന്നു. അതിലൊരാളായി ഞാനും. അങ്ങനെയായിരുന്നു തോന്നല്‍. അതുകൊണ്ടുതന്നെ ഒരു വീടിന്റെ എല്ലാ വികാരങ്ങളും നിറഞ്ഞൊരു സിനിമയാണ് 'എന്നും എപ്പോഴും'


മമ്മൂട്ടി വീണ്ടും പോലീസ്, അന്ന് അച്ഛന് വേണ്ടി ഇന്ന് മകന് വേണ്ടി

 Nithin Renji Panicker new film with mammootty

മമ്മൂട്ടിയുടെ പോലീസ് കഥാപാത്രങ്ങള്‍ പ്രേക്ഷകരെ നിരാശപ്പെടുത്തിയത് കുറവാണ്. ഇന്‍സ്‌പെക്ടര്‍ ബല്‍റാമിന്റെ ഗൃഹാതുരതയോടെ ഓര്‍ക്കുന്ന മലയാളി പ്രേക്ഷകരിലേക്ക് വീണ്ടുമൊരു കാക്കിയിട്ടെത്തുകയാണ് മമ്മൂട്ടി. മമ്മൂട്ടിക്ക് വേണ്ടി തീപ്പൊരി ചിതറുന്ന സംഭാഷണങ്ങളും ആണത്തമുള്ള കഥാപാത്രങ്ങളും ഒരുക്കിയ രണ്‍ജിപണിക്കരുടെ മകന്‍ നിധിന്‍ രണ്‍ജിപണിക്കര്‍ ആദ്യമായി സംവിധാനം ചെയ്യുന്ന ചിത്രത്തിലാണ് വീണ്ടും മമ്മൂട്ടിയുടെ പോലീസ് വേഷം.

ദി കിംഗിലെ ജോസഫ് അലക്‌സ് തേവള്ളിപ്പറമ്പിലും, രൗദ്രത്തിലെ നരിയെയും പോലെ ഉശിരുള്ള കഥാപാത്രമാകില്ല നിഥിന്റെ ആദ്യസംവിധാന സംരംഭത്തിലേതെന്നറിയുന്നു. മുറുക്കിച്ചുവപ്പിച്ച ചുണ്ടുമായെത്തുന്ന രസികന്‍ പോലീസ് ഓഫീസറാകും ഈ കഥാപാത്രമെന്നാണ് സൂചന. നിഥിന്‍ തന്നെ കഥയും തിരക്കഥയും സംഭാഷണവുമെഴുതുന്ന ചിത്രം ആന്റോ ജോസഫും രണ്‍ജി പണിക്കരും ചേര്‍ന്നാണ് നിര്‍മ്മിക്കുന്നത്.

ലണ്ടനിലെ യൂണിവേഴ്‌സിറ്റി ഒഫ് വെയില്‍സില്‍ നിന്ന് എം.ബി.എ ബിരുദം നേടിയ നിഥിന്‍ ഷാജി കൈലാസിന്റെയും രണ്‍ജി പണിക്കരുടെയും ചിത്രങ്ങളില്‍ അസിസ്റ്റന്റ് ഡയറക്ടറായി പ്രവര്‍ത്തിച്ചിട്ടുണ്ട്. ജൂണില്‍ മൈസൂരില്‍ ചിത്രീകരണമാരംഭിക്കും. ബോളിവുഡ് അഭിനേത്രി തബുവിനെ ചിത്രത്തില്‍ നായികയായി പരിഗണിക്കുന്നത്.


പണ്ടത്തെ സ്വാഭാവിക പ്രകടനം ഇന്നത്തെ മോഹന്‍ലാലിനില്ല: പ്രിയദര്‍ശന്‍

 priyadarshan about mohanlal

തിരുവനന്തപുരം: എണ്‍പതുകളിലും തൊണ്ണൂറുകളിലും കണ്ട സ്വാഭാവിക പ്രകടനം ഇന്നത്തെ മോഹന്‍ലാലിന്റെ കാണുമ്പോള്‍ തോന്നുന്നില്ലെന്ന് പ്രിയദര്‍ശന്‍. അത് ലാലിന്റെ കുറവായി കാണുന്നില്ല. മറിച്ച് സംവിധായകരുടെ കയ്യില്‍ ചലഞ്ചിംഗ് സ്‌ക്രിപ്റ്റ് ഇല്ലാത്തതാണ് കാരണം. അത്തരം തിരക്കഥകള്‍ കൊടുക്കുവാന്‍ കഴിഞ്ഞാല്‍ ലാല്‍ പ്രചോദിതനാകും. മികച്ച പ്രകടനങ്ങള്‍ അദ്ദേഹത്തില്‍നിന്നും ഉണ്ടാകുകയും ചെയ്യും. അതിന് ഒരു ഉത്തമ ഉദാഹരണമാണ് ബ്ലെസിയുടെ തന്മാത്ര.

ഒരു ആക്ടറെന്ന നിലയില്‍ ലാലിനെ ചലഞ്ച് ചെയ്യുവാനാകില്ല എന്നതാണ് പ്രിയന്റെ അനുഭവം. കാരണം എത്ര ചലഞ്ചിംഗ് വേഷം കൊടുത്താലും അത് ഏറ്റെടുക്കുവാനുള്ള കഴിവ് ലാലിനുണ്ട്. ഇന്നത്തെ ന്യൂജനറേഷന്‍ ഏറ്റെടുക്കേണ്ട വെല്ലുവിളിയും അതാണ്. ലാലിന് ചലഞ്ച് ചെയ്യാവുന്ന വേഷങ്ങള്‍ കണ്ടെത്തി കൊടുക്കുക. പ്രിയദര്‍ശന്‍ ലാലിനെ സുഹൃത്തെന്ന നിലയില്‍ മാത്രമേ കണ്ടിട്ടുള്ളു. നടനായി കണ്ടിട്ടില്ല. കാരണം നടനായിട്ട് ഒന്നുംപറഞ്ഞുകൊടുക്കാന്‍ പ്രിയന് ആവില്ല. എന്നുമാത്രമല്ല അന്യഭാഷാചിത്രങ്ങള്‍ ചെയ്യേണ്ടി വരുമ്പോള്‍ അവിടുത്തെ അഭിനേതാക്കളോട് ചിലത് ഇങ്ങനെവേണമെന്ന് പറഞ്ഞു പ്രിയന്‍ ആക്ട് ചെയ്ത് കാണിക്കാറുണ്ട്. അപ്പോള്‍ അവര്‍ പറയും. ലാല്‍ സാര്‍ അഭിനയിക്കുന്നതുപോലെ ഉണ്ടെന്ന്. ഇക്കാര്യം എന്നോട് ആദ്യം പറഞ്ഞത് നടി രേവതി ആണ്.

അത്രമാത്രം ലാലിന്റെ സ്വാധീനം എന്റെ മേല്‍ ഉണ്ടെന്നതാണ് സത്യം. അതുപോലെ ലാല്‍ അഭിനയിച്ച ചിത്രങ്ങള്‍ ഹിന്ദിയിലേക്ക് റീമേക്ക് ചെയ്യുമ്പോള്‍ ഒരിക്കലും അവിടുത്തെ അഭിനേതാക്കളോട് ലാല്‍ ചെയ്തതുപോലെ ചെയ്യാന്‍ പ്രിയന്‍ പറയില്ല. അവരവരുടെ രീതിക്ക് ചെയ്യാന്‍ വിടുകയാണ് പതിവ്. ലാലിന്റെ രീതിയില്‍ വന്നില്ലല്ലോ എന്ന് ചിന്തിക്കാന്‍ നിന്നാല്‍ ലാല്‍ അഭിനയിച്ച ഒരു സിനിമയും ഒരു ഭാഷയിലേക്കും റീമേക്ക് ചെയ്യാനാകില്ലെന്നും പ്രിയന്‍ പറഞ്ഞു.


രമേഷ് പിഷാരടി സംവിധായകനാകുന്നു.

 Ramesh Pisharody to turn director

അവതാരകനും ഹാസ്യതാരവുമായ രമേഷ്പി ഷാരടി സംവിധായകനാകുന്നു. പഞ്ചവര്‍ണ്ണതത്ത എന്നു പേരിട്ട ചിത്രത്തില്‍ ജയറാമും കുഞ്ചാക്കോ ബോബനുമാണ് നായകന്‍മാര്‍. അനുശ്രീയാണ് ചിത്രത്തിലെ നായിക. അടുത്തമാസം ചിത്രത്തിന്റെ ഷൂട്ടിംഗ് ആരംഭിയ്ക്കും. പ്രദീപ് നായരാണ് ഛായാഗ്രഹണം. അവതരണഗാനം നാദിര്‍ഷയാണ് സംഗീതം എം. ജയചന്ദ്രന്‍.


ആക്ഷന്‍ എന്റര്‍ടെയിനറുമായി ലോഹം ത്രൂ ഔട്ട് റോളില്‍ വികെപിയും

 Ranjith is planning for a new movie with Mohanlal Loham

സ്പിരിറ്റിന് ശേഷം മോഹന്‍ലാലും രഞ്ജിത്തും ഒരുമിക്കുന്ന ചിത്ത്രിന് ലോഹം എന്ന ചിത്രം മാര്‍ച്ച് ആദ്യവാരം കോഴിക്കോട്ട് തുടങ്ങും. ആന്‍ഡ്രിയയാണ് നായിക.

കോഴിക്കോട്, കൊച്ചി, ദുബായ് എന്നിവിടങ്ങളിലാണ് ചിത്രീകരണം. ടിനി ടോം, ഹരിഷ് പേരടി, ജോജോ മാള എന്നിവരും ചിത്രത്തിലുണ്ടാകും. സംവിധായകന്‍ വി.കെ പ്രകാശ് ഏറെ പ്രാധാന്യമുള്ള കഥാപാത്രമായി ചിത്രത്തിലുണ്ടെന്നറിയുന്നു. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആണ് നിര്‍്മ്മാണം. പ്രശസ്ത ഛായാഗ്രാഹകന്‍ എസ് കുമാറിന്റെ മകന്‍ കുഞ്ഞുണ്ണി എസ് കുമാറാണ് ക്യാമറ. ശ്രീവല്‍സന്‍ ജെ മേനോനാണ് സംഗീത സംവിധാനം. നേരത്തെ മോഹന്‍ലാല്‍ മഞ്ജുവാര്യര്‍ ചിത്രം രഞ്ജിത് ആലോചിച്ചിരുന്നു. ഇത് മാറ്റിവച്ചാണ് ദുല്‍ഖര്‍ സല്‍മാനെ നായനാക്കിയുള്ള ഞാന്‍ പൂര്‍ത്തിയാക്കിയത്. വാണിജ്യപ്രാധാന്യം കൂടിയുള്ള ചിത്രമാണ് ഒരുങ്ങുന്നതെന്നറിയുന്നു.


രുദ്രസിംഹാസനം ട്രെയിലര്‍ പ്രകാശനം നടന്നു

 Rudra Simhasanam Official Trailer

തിരുവനന്തപുരം: സുരേഷ് ഗോപിയുടെ വേറിട്ട കഥാപാത്രവുമായി രുദ്രസിംഹാസനം എത്തുന്നു. സുനില്‍ പരമേശ്വരന്റെ തിരക്കഥയില്‍ ഷിബു ഗംഗാധരന്‍ സംവിധാനം ചെയ്ത ചിത്രം ഈ മാസം 31ന് തീയറ്ററുകളിലെത്തും. രുദ്രസിംഹാസനത്തിന്റെ ട്രെയിലര്‍ പ്രകാശനം തിരുവനന്തപുരത്ത് നടന്നു. അനന്തഭദ്രത്തിന് ശേഷം മാന്ത്രികതയുടെ ലോകത്തേക്ക് പ്രേക്ഷകരെ വീണ്ടും കൂട്ടിക്കൊണ്ടുപോവുകയാണ് എഴുത്തുകാരനും തിരക്കഥാകൃത്തുമായ സുനില്‍ പരമേശ്വരന്‍. സുനിലിന്റെ ഏറെ വായിക്കപ്പെട്ട രൗദ്രതാളം എന്ന നോവലിന്റെ ദൃശ്യാവിഷ്‌കാരമാണ് രുദ്രസിംഹാസനം. പ്രമേയത്തിലും ആവിഷ്‌കാരത്തിലും പുതുമകള്‍ അവകാശപ്പെടുന്ന ചിത്രം അത്യന്താധുനിക സാങ്കേതികത്തികവോടെയാണ് പ്രദര്‍ശനത്തിന് ഒരുങ്ങുന്നത്. മമ്മൂട്ടി ചിത്രം പ്രെയ്‌സ് ദ ലോഡിന് ശേഷം ഷിബു ഗംഗാധരന്‍ സംവിധാനം ചെയ്ത രുദ്രസിംഹാസനത്തില്‍ വേറിട്ട ഗെറ്റപ്പിലാണ് സുരേഷ് ഗോപി എത്തുന്നത്. ഏരീസ് പ്ലക്‌സ് എസ്എല്‍ മള്‍ട്ടിപ്ലക്‌സില്‍ പ്രദര്‍ശിപ്പിച്ച ട്രെയിലര്‍ പ്രമുഖരടങ്ങിയ സദസ്സ് കയ്യടിയോടെ ആണ് സ്വീകരിച്ചത്. നിക്കി ഗല്‍റാണി ആണ് നായികാകഥാപാത്രത്തെ അവതരിപ്പിക്കുന്നത്. ഹൈമവതി എന്ന കഥാപാത്രം അഭിനയജീവിതത്തില്‍ വഴിത്തിരിവാകും എന്നാണ് താരസുന്ദരിയുടെ പ്രതീക്ഷ.ശ്വേത മേനോന്‍, കനിഹ, നെടുമുടി വേണു, കലാഭവന്‍ ഷാജോണ്‍, സുധീര്‍ കരമന തുടങ്ങി നീണ്ട താരനിര ചിത്രത്തിലുണ്ട്. ജിത്തുദാമോദര്‍ ആണ് ക്യാമറ ചലിപ്പിച്ചത്. സുനില്‍ പരമേശ്വരനും നിര്‍മ്മാണത്തില്‍ പങ്കാളിയായ ചിത്രം വരിക്കാശ്ശേരി മനയിലാണ് ചിത്രീകരിച്ചത്. ജയശ്രീ കിഷോര്‍വിശ്വജിത്ത് ടീമിന്റെതാണ് പാട്ടുകള്‍.


'അങ്കമാലി' പ്രചരിപ്പിച്ചയാള്‍ക്കെതിരെ വിജയ് ബാബു

'Angamaly Diaries' streamed live on Facebook

പുതുമുഖങ്ങള്‍ പ്രധാനവേഷത്തിലെത്തുന്ന അങ്കമാലി ഡയറീസിന്റെ വ്യാജന്‍ ഫെയ്‌സ്ബുക്കില്‍ പ്രചരിക്കുന്നു. തിയേറ്ററുകളില്‍ പ്രദര്‍ശന വിജയം കൊയ്യുന്നതിനിടെയാണ് വ്യാജ പതിപ്പ് ഫെയ്‌സ്ബുക്കില്‍ ലൈവായി പ്രദര്‍ശിപ്പിച്ചത്.

ചിത്രം കൂടുതല്‍ ഫെയ്‌സ്ബുക്ക് പേജുകളില്‍ പ്രചരിച്ചപ്പോള്‍ അണിയറ പ്രവര്‍ത്തകരുടെ ശ്രദ്ധയില്‍പ്പെടുകയും ചിത്രം നീക്കം ചെയ്യാനുള്ള നടപടികള്‍ സ്വീകരിക്കുകയും ചെയ്തു. സിനിമയുടെ വ്യാജ പതിപ്പ് പ്രചരിച്ചവര്‍ക്കെതിരെ അണിയറ പ്രവര്‍ത്തകര്‍ സൈബര്‍ സെല്ലില്‍ പരാതി നല്‍കിയിട്ടുണ്ട്.

സംഭവത്തില്‍ ശക്തമായി പ്രതികരിച്ചുകൊണ്ട് നിര്‍മാതാവ് വിജയ് ബാബു രംഗത്തു വന്നിട്ടുണ്ട്. തിയേറ്ററില്‍ നിന്ന് ലൈവായി ചിത്രം ഫെയ്‌സ്ബുക്കില്‍ പ്രദര്‍ശിപ്പിച്ചു എന്ന് പറയപ്പെടുന്ന ഒരാളുടെ ചിത്രം വിജയ്ബാബു പോസ്റ്റ് ചെയ്തിട്ടുണ്ട്. ചിത്രം ചോര്‍ത്തിയവര്‍ ആരായാലും അവരെ വെറുതെ വിടില്ലെന്നും വിജയ് ബാബു ഫെയ്‌സ്ബുക്കില്‍ കുറിച്ചു.


പുതിയ വാര്‍ത്തകള്‍

കാഴ്ചയുടെ ഉത്സവത്തിന് നാളെ കൊടിയിറക്കം

കാഴ്ചയുടെ ഉത്സവത്തിന് നാളെ കൊടിയിറക്കം

രാജ്യാന്തര ചലച്ചിത്രമേളയ്ക്ക് നാളെ തിരശ്ശീല വീഴും. സ്വത്വവും ഇടവും നഷ്ടപ്പെട്ട ജനതയെ മുഖ്യപ്രമേയമാക്കിയ മേളയില്‍ 65 രാജ്യങ്ങളില്‍ നിന്നുള്ള 190 ല്‍ പരം...

ഒടുവില്‍ വിവാദങ്ങള്‍ക്ക് അവസാനമായി സുരഭി ചലച്ചിത്രമേളയിലെത്തി

ഒടുവില്‍ വിവാദങ്ങള്‍ക്ക് അവസാനമായി സുരഭി ചലച്ചിത്രമേളയിലെത്തി

ചലച്ചിത്രമേളയിലെ ഇക്കൊല്ലത്തെ വിവാദതാരം ദേശീയ അവാര്‍ഡ് ജേതാവായ സുരഭി ലക്ഷ്മി ആയിരുന്നു. ഡെലിഗേറ്റ് പാസ് പോലും ലഭിച്ചില്ലെന്ന ആരോപണവുമായി സുരഭിയും...

ഐ.എഫ്.എഫ്.കെ വി.സി ഹാരിസിനെ അനുസ്മരിച്ചു

ഐ.എഫ്.എഫ്.കെ വി.സി ഹാരിസിനെ അനുസ്മരിച്ചു

ഓപ്പണ്‍ ഫോറത്തിനു മുന്നോടിയായി അന്തരിച്ച ചലച്ചിത്രനിരൂപകന്‍ വി.സി ഹാരിസിനെ അനുസ്മരിച്ചു. ബി. ഉണ്ണികൃഷ്ണന്‍ ഹാരിസ് അനുസ്മരണ പ്രഭാഷണം നടത്തി. വി.സി...

നല്ല സിനിമകളുണ്ടാകുന്നത് സൗഹൃദങ്ങളില്‍ നിന്ന് ഖസിം

നല്ല സിനിമകളുണ്ടാകുന്നത് സൗഹൃദങ്ങളില്‍ നിന്ന് ഖസിം

സിനിമകളുണ്ടാവുന്നത് പലപ്പോഴും നല്ല സൗഹൃദങ്ങളില്‍ നിന്നാണെന്ന് ഇറാന്‍ സംവിധായകന്‍ ഖസിം മൊല്ല. ഇരുപതോളം നിര്‍മിതാക്കള്‍ തിരസ്കരിച്ച തന്റെ സിനിമ...

ആതിഥേയനായി മന്ത്രി ബാലന്‍, ഹാറൂണിന് ആഹ്ളാദം.

ആതിഥേയനായി മന്ത്രി ബാലന്‍, ഹാറൂണിന് ആഹ്ളാദം.

സംവിധായകന്‍ മെഹ്മത് സാലെ ഹാറൂണിന് ആതിഥ്യമരുളി സാംസ്കാരിക മന്ത്രി എ.കെ. ബാലന്‍. മന്ത്രിയും കുടുംബാംഗങ്ങളും ചേര്‍ന്ന് ഹാറൂണിനെ ഔദ്യോഗിക വസതിയില്‍ സ്വീകരിച്ചു....

തീയറ്ററുകളുടെ നിലവാരം ഉയര്‍ത്തണം റസൂല്‍ പൂക്കുട്ടി

തീയറ്ററുകളുടെ നിലവാരം ഉയര്‍ത്തണം റസൂല്‍ പൂക്കുട്ടി

രാജ്യത്തെ തിയറ്ററുകളുടെ നിലവാരം ഉയര്‍ത്തണമെന്ന് ഓസ്കാര്‍ ജേതാവ് റസൂല്‍ പൂക്കുട്ടി. ചലച്ചിത്ര മേളയുടെ ഭാഗമായി തത്സമയ ശബ്ദലേഖനത്തിലെ വെല്ലുവിളികള്‍' എന്ന...

സ്വതന്ത്രമായി ശ്വസിക്കാന്‍ കഴിയുന്നത് കേരളത്തില്‍ മാത്രം - പ്രകാശ് രാജ്

സ്വതന്ത്രമായി ശ്വസിക്കാന്‍ കഴിയുന്നത് കേരളത്തില്‍ മാത്രം - പ്രകാശ് രാജ്

രാജ്യത്ത് ഉയര്‍ന്നുവരുന്ന എല്ലാ പ്രതിഷേധങ്ങളെയും അടിച്ചമര്‍ത്തുന്ന സാഹചര്യത്തില്‍ ഭയമില്ലാതെ ശ്വസിക്കാന്‍ കഴിയുന്നത് കേരളത്തില്‍ മാത്രമാണെന്ന്...

സാന്ത്വനത്തിന്റെ വെളിച്ചവുമായി ചലച്ചിത്രോത്സവം തുടങ്ങി

സാന്ത്വനത്തിന്റെ വെളിച്ചവുമായി ചലച്ചിത്രോത്സവം തുടങ്ങി

22-ാമത് രാജ്യാന്തര ചലച്ചിത്രോത്സവത്തിന് തുടക്കമായി. നിശാഗന്ധി ഓഡിറ്റോറിയത്തില്‍ നടന്ന പരിപാടിയില്‍ ഓഖി ദുരന്തത്തില്‍പ്പെട്ടവരെ അനുസ്മരിച്ച് മെഴുകുതിരി...


1103 News Items found. Page 1 of111