സിനിമ പിന്‍വലിക്കുന്നു, വേണമെങ്കില്‍ പറമ്പില്‍ പ്രദര്‍ശിപ്പിക്കുമെന്ന് സലിംകുമാര്‍

 Actor Salim Kumar withdraw Compartment from theatres

കംപാര്‍ട്ട്മെന്റ് എന്ന തന്റെ ആദ്യസംവിധാന സംരംഭത്തോട് മുഖം തിരിച്ച പ്രേക്ഷകരോടും തിയറ്ററുകള്‍ക്കുമെതിരെ സലിംകുമാര്‍. തിയറ്ററുകള്‍ വാണിജ്യ വിജയം മാത്രം ലക്ഷ്യമിട്ട് സിനിമകളെ സമീപിക്കുന്നതില്‍ പ്രതിഷേധിച്ച് കമ്പാര്‍ട്ട്‌മെന്റ് എന്ന തന്റെ ചിത്രം തിയറ്ററുകളില്‍ നിന്ന് പിന്‍വലിക്കുന്നതായി സലിംകുമാര്‍. കണ്ണാടിയിലെ സ്വന്തം പ്രതിബിംബം പോലും കാണാന്‍ ആഗ്രഹിക്കാത്ത മലയാളിയാണ് സിനിമാ പ്രദര്‍ശനത്തിന് തടസ്സമാകുന്നത്. സിനിമാ തീയറ്ററില്‍ തമിഴ് സിനിമകള്‍ക്കാണ് പ്രിയം. ജനം കൂടുതലായെത്തുന്ന സമയത്തെല്ലാം തമിഴ് സിനിമ ഓടിക്കാനാണ് തിയറ്ററുകാര്‍ക്ക് താല്‍പര്യം. സര്‍ക്കാര്‍ തീയറ്ററില്‍ പോലും ഇതാണ് ചെയ്യുന്നത്. മലയാളത്തില്‍ ആദ്യമായാണ് കംപാര്‍ട്ട്‌മെന്റ് പോലുള്ള സിനിമ. റിലീസ് ചെയ്ത ശേഷം പ്രദര്‍ശനം നിര്‍ത്തിവെക്കാനാവശ്യപ്പെട്ട ആദ്യമലയാള പടവും ഇതാണെന്ന് സലിംകുമാര്‍. 75 ലക്ഷം രൂപയാണ് സിനിമയുടെ നിര്‍മ്മാണ ചെലവെന്നും സലിംകുമാര്‍ പറഞ്ഞു. സര്‍ക്കാര്‍ തിയറ്ററുകള്‍ വരെ ലാഭം നോക്കി മാത്രം പ്രവര്‍ത്തിക്കുന്നവയാണെന്നും നിലവാരമുള്ള സിനിമകള്‍ക്കു സര്‍ക്കാര്‍ തിയറ്ററുകളില്‍ പോലും സ്ഥലമില്ലെന്നും അദ്ദേഹം പറഞ്ഞു. വിഷുവിനു ശേഷം സിനിമ വീണ്ടും തിയറ്ററുകളില്‍ എത്തിക്കാനായില്ലെങ്കില്‍ പ്രൊജക്റ്ററുമായി പറമ്പുകളില്‍ പ്രദര്‍ശനം നടത്താന്‍ മടിയില്ല.


സത്യ'സന്ധ'ന്‍ അന്തിക്കാടിനെക്കുറിച്ച് മഞ്ജുവാര്യര്‍

 Manju Warrier likes sathyan anthikkad

സത്യന്‍ അന്തിക്കാടിനെ സത്യസന്ധന്‍ അന്തിക്കാടെന്ന് വിശേഷിപ്പിച്ച് മഞ്ജു വാര്യരുടെ കുറിപ്പ്. മാര്‍ച്ച് അവസാനവാരം സത്യന്‍ അന്തിക്കാടിന്റെ സംവിധാനത്തില്‍ എത്തുന്ന എന്നും എപ്പോഴും എന്ന സിനിമയിലെ ചിത്രീകരണഅനുഭവങ്ങള്‍ പങ്കുവച്ചുള്ള ഫേസ്ബുക്ക് കുറിപ്പിലാണ് മഞ്ജു സത്യന്‍ അന്തിക്കാടുമായുള്ള ആത്മബന്ധത്തെക്കുറിച്ച് വാചാലയാകുന്നത്. മഞ്ജുവാര്യരുടെ കുറിപ്പ് ഇങ്ങനെ "സത്യനങ്കിളിനെ എത്രയോ കാലമായി അറിയാം. അങ്ങനെമാത്രംപറഞ്ഞാല്‍ ആ ബന്ധത്തിലെ അടുപ്പം കുറഞ്ഞുപോകും. എന്നും എപ്പോഴും എന്റെ കുടുംബത്തിലൊരാള്‍ തന്നെയാണ് അദ്ദേഹമെന്ന് തോന്നാറുണ്ട്. ജീവിതത്തിലെ പല ഘട്ടങ്ങളിലും സത്യനങ്കിള്‍ എനിക്ക് തുണയായി. അദ്ദേഹത്തിന്റെ അഭിപ്രായം എപ്പോഴും നന്മയുടെ പക്ഷത്ത് നിന്നുകൊണ്ടുള്ളതാകും.



ആരെയും കുറ്റപ്പെടുത്താതെ എന്താണ് ശരിയെന്ന് സത്യനങ്കിള്‍ പറഞ്ഞുതരും. സത്യസന്ധന്‍ അന്തിക്കാട് എന്ന പേരാണ് അങ്കിളിന് യഥാര്‍ഥത്തില്‍ ചേരുക. എന്റെ നാടായ പുള്ളിന്റെ അങ്ങേക്കരയാണ് അന്തിക്കാട്. എന്റെ വീട്ടില്‍ നിന്ന് ഒന്ന് നീട്ടിവിളിച്ചാല്‍ സത്യനങ്കിളിന്റെ വീട്ടില്‍കേള്‍ക്കാമെന്ന് വേണമെങ്കില്‍ പറയാം. എന്നും എപ്പോഴും സത്യനങ്കിള്‍ വിളിപ്പുറത്തുണ്ട് എന്നതാണ് സിനിമയിലേക്ക് വീണ്ടും വന്നപ്പോള്‍ എനിക്കുണ്ടായിരുന്ന ധൈര്യങ്ങളിലൊന്ന്. എന്നും എപ്പോഴും എന്ന സിനിമയുടെ സെറ്റിനെക്കുറിച്ച് പറഞ്ഞാല്‍ സത്യനങ്കിളിന്റെ ഒരു സിനിമയുടെ പേര് തന്നെയാകും അത്കുടുംബപുരാണം!. അങ്കിളിനൊപ്പം മകന്‍ അഖില്‍. പിന്നെ അത്രയും അടുപ്പമുള്ള കുറേപ്പേര്‍. എത്രയോ കാലമായി അവരെല്ലാം സത്യനങ്കിളിനൊപ്പമുണ്ട്. ഒരു കുടുംബത്തിലുള്ളവര്‍ ചേര്‍ന്ന് ഒരു സിനിമയുണ്ടാക്കുന്നു. അതിലൊരാളായി ഞാനും. അങ്ങനെയായിരുന്നു തോന്നല്‍. അതുകൊണ്ടുതന്നെ ഒരു വീടിന്റെ എല്ലാ വികാരങ്ങളും നിറഞ്ഞൊരു സിനിമയാണ് 'എന്നും എപ്പോഴും'


ആക്ഷന്‍ എന്റര്‍ടെയിനറുമായി ലോഹം ത്രൂ ഔട്ട് റോളില്‍ വികെപിയും

 Ranjith is planning for a new movie with Mohanlal Loham

സ്പിരിറ്റിന് ശേഷം മോഹന്‍ലാലും രഞ്ജിത്തും ഒരുമിക്കുന്ന ചിത്ത്രിന് ലോഹം എന്ന ചിത്രം മാര്‍ച്ച് ആദ്യവാരം കോഴിക്കോട്ട് തുടങ്ങും. ആന്‍ഡ്രിയയാണ് നായിക.

കോഴിക്കോട്, കൊച്ചി, ദുബായ് എന്നിവിടങ്ങളിലാണ് ചിത്രീകരണം. ടിനി ടോം, ഹരിഷ് പേരടി, ജോജോ മാള എന്നിവരും ചിത്രത്തിലുണ്ടാകും. സംവിധായകന്‍ വി.കെ പ്രകാശ് ഏറെ പ്രാധാന്യമുള്ള കഥാപാത്രമായി ചിത്രത്തിലുണ്ടെന്നറിയുന്നു. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആണ് നിര്‍്മ്മാണം. പ്രശസ്ത ഛായാഗ്രാഹകന്‍ എസ് കുമാറിന്റെ മകന്‍ കുഞ്ഞുണ്ണി എസ് കുമാറാണ് ക്യാമറ. ശ്രീവല്‍സന്‍ ജെ മേനോനാണ് സംഗീത സംവിധാനം. നേരത്തെ മോഹന്‍ലാല്‍ മഞ്ജുവാര്യര്‍ ചിത്രം രഞ്ജിത് ആലോചിച്ചിരുന്നു. ഇത് മാറ്റിവച്ചാണ് ദുല്‍ഖര്‍ സല്‍മാനെ നായനാക്കിയുള്ള ഞാന്‍ പൂര്‍ത്തിയാക്കിയത്. വാണിജ്യപ്രാധാന്യം കൂടിയുള്ള ചിത്രമാണ് ഒരുങ്ങുന്നതെന്നറിയുന്നു.


പ്രണയത്തിന്റെ നൂറ് ദിവസം മുടക്കുന്നത് നിത്യയോ?

100 days of love

സംവിധായകന്‍ കമലിന്റെ മകന്‍ ജാനസ് സംവിധാനം ചെയ്യുന്ന 100 ഡെയ്സ് ഓഫ് ലൗ എന്ന ചിത്രം മുടങ്ങുന്നതിന് പിന്നില്‍ നിത്യമേനോന്‍? ഒറ്റ ഷ്യെൂളില്‍ ഷൂട്ടിങ്ങ് പൂര്‍ത്തിയാക്കാന്‍ ലക്ഷ്യമിട്ട് ആരംഭിച്ച ചിത്രം നിര്‍മ്മാതാവിനെ വട്ടം കറക്കി നിലച്ചിരിക്കുകയാണ്. ഒരു മാസത്തോളം ഈ ചിത്രത്തിന്റെ ഷൂട്ടിങ്ങ് പുരോഗമിച്ചിരുന്നു. ദുല്‍ഖര്‍ നായകനും നിത്യമേനോന്‍ നായികയുമാണ് ഈ ചിത്രത്തില്‍. അനന്തമായി ചിത്രം നീളുന്നതിന് പിന്നണി പ്രവര്‍ത്തകര്‍ പറയുന്ന കാരണമല്ല യഥാര്‍ഥത്തില്‍ എന്നറിയുന്നു. വിനീത് ശ്രീനിവാസന്‍ അഭിനയിച്ച ഓര്‍മയുണ്ടോ ഈ മുഖം എന്ന ചിത്രത്തിന്റെ കഥയും 100 ഡെയ്സ് എന്ന ചിത്രത്തിന്റെ കഥയും ഒന്നായതാണ് കാരണമെന്നാണ് പിന്നണി പ്രവര്‍ത്തകരുടെ വാദം. അതുകൊണ്ട് ഒരു ചിത്രീകരിച്ച സീനുകള്‍ മാറ്റി വീണ്ടും ചിത്രീകരിക്കുന്നതിനുള്ള ശ്രമമാണിപ്പോള്‍ എന്നും പറയപെടുന്നു. എന്നാല്‍ യഥാര്‍ഥ വസ്തുത ഇതല്ല. ചിത്രം മുടങ്ങിയതോടെ ദുല്‍ഖര്‍ മണിരത്നത്തിന്റെ പടത്തില്‍ ജോയിന്‍ ചെയ്തു. നിത്യ മേനോനും. മണിരത്നം പടം അതിവേഗതയില്‍ മുന്നോട്ട് പോകുന്നതിനിടെ ഇനി ജാനസിന്റെ ചിത്രത്തിലേക്ക് അവര്‍ മടങ്ങിയെത്താന്‍ ഇനിയും വൈകും. ജനുവരി അഞ്ചിന് ഷൂട്ടിങ്ങ് ആരംഭിക്കാന്‍ പിന്നണി പ്രവര്‍ത്തകര്‍ ശ്രമം തുടങ്ങിയിട്ടുണ്ട്. ഷൂട്ടിങ്ങിനിടെ നിത്യമേനോനുമായുണ്ടായ ഒരു അടുപ്പമാണ്ഷൂട്ടിങ്ങ് നീണ്ടുപോകാന്‍ ഇടയാക്കിയെന്നും ആക്ഷേപമുയര്‍ന്നിട്ടുണ്ട്.


നൂറ് നാളുകളിലേക്കോടാന്‍ ദുല്‍ഖര്‍ റെഡി ഹണ്‍ഡ്രഡ് ഡേയ്‌സ് ഓഫ് ലവ് ട്രെയിലര്‍

100 Days Of Love Official Trailer

ദുല്‍ഖര്‍ സല്‍മാനും നിത്യാ മേനോനും പ്രധാന കഥാപാത്രങ്ങളാകുന്ന ചിത്രം ഹണ്‍ഡ്രഡ് ഡേയ്‌സ് ഓഫ് ലവിന്റെ ട്രെയിലര്‍ എത്തി. സംവിധായകന്‍ കമലിന്റെ മകന്‍ ജനൂസ് മുഹമ്മദ് ആണ് സംവിധായകന്‍. അജു വര്‍ഗ്ഗീസ്, വിനീത്, രാഹുല്‍ മാധവ്, ഡിജെ ശേഖര്‍ എന്നിവരും ചിത്രത്തിലുണ്ട്. സംവിധായകന്‍ വികെ പ്രകാശും ഒരു കഥാപാത്രമാണ്. ബാംഗഌര്‍ നഗരം പശ്ചാത്തലമാക്കിയ പ്രണയകഥയാണ് ചിത്രം. ഈ മാസം 20നാണ് റിലീസ്. ഐശ്വര്യാ സനേഹാ മുവീസിന് വേണ്ടി വിജയകുമാര്‍ പാലക്കുന്നാണ് നിര്‍മ്മാണം. ഗോവിന്ദ് മേനോനാണ് സംഗീതസംവിധായകന്‍. പ്രദീഷ് വര്‍മ്മയാണ് ക്യാമറ. പ്‌ളേഹൗസാണ് ചിത്രം തിയറ്ററുകളിലെത്തിക്കുന്നത്.


ആഭാസഅവാര്‍ഡായി ഏഷ്യാനെറ്റ് അവാര്‍ഡ് സദ്യ

17th Asianet Film Award

സര്‍വ്വാണി സദ്യപോലെയാണ് ഏഷ്യനെറ്റിന്റെ ഫിലിം അവാര്‍ഡ്. ഏഷ്യനെറ്റിന്റെ അവാര്‍ഡ് ആഭാസകൂത്തില്‍ നിന്നും വിട്ടുനില്‍ക്കണമെങ്കില്‍ ചില്ലറ അധ്വാനമൊന്നും താരങ്ങള്‍ക്ക് പേരാതെ വരും. അവാര്‍ഡിന്റെ അര്‍ഹതയല്ല അവരുടെ ലക്ഷ്യം. പകരം താരങ്ങളെ കുത്തിനിറച്ചുള്ള ഒരു മാമാങ്കം മാത്രമാണത്. സിനിമയില്‍ ഒരു വിലയുമില്ലാത്ത അവാര്‍ഡായി ഏഷ്യാനെറ്റ് അവാര്‍ഡ് മാറിയിട്ടുണ്ട്. ഇക്കുറി അതില്‍ നിന്നും രക്ഷപെട്ടത് ദീലീപും സുരേഷ് ഗോപിയും മാത്രമാണ്. ഏഷ്യനെറ്റ് പോലെയൊരു വമ്പന്‍ മാധ്യമസ്ഥാപനത്തിന്റെറ ക്ഷണം നിരസിക്കാനുള്ള ആര്‍ജവമില്ലാത്തതുകൊണ്ടാണ് പല താരങ്ങളും ഇഷ്ടമില്ലെങ്കിലും ഇതില്‍ പങ്കെടുക്കുന്നത്. ആഭാസനൃത്തങ്ങളും ആര്‍ക്കും രുചിക്കാത്ത അവതരണങ്ങളുമായി വര്‍ഷാവര്‍ഷം കൊണ്ടാടുന്ന ഈ അവാര്‍ഡ് ആഭാസം നിര്‍ത്തുന്ന കാര്യം ആലോചിക്കേണ്ടത് ഏഷ്യനെറ്റ് മാത്രമാണ്. കഴിഞ്ഞവര്‍ഷം ഏഷ്യാനെറ്റ് അവാര്‍ഡ് വേദിയില്‍ മോഹന്‍ലാല്‍ കാണിക്കുന്ന ചില വ്യംഗമായ അടയാളങ്ങളുടെ വീഡിയോ വൈറലായിരുന്നു. ഇക്കൊല്ലവും കാത്തിരിക്കുകയാണ് കാണികള്‍. ഏഷ്യാനെറ്റ് അവാര്‍ഡല്ലേ. ആഭാസം കാണാതിരിക്കില്ലെന്ന്.


ദേശീയ ചലച്ചിത്രപുരസ്‌കാരം- ആറ് മലയാള ചിത്രങ്ങള്‍ അന്തിമപട്ടികയില്‍, മമ്മൂട്ടിയും ജയസൂര്യയും ഇല്ല

62nd national film awards

ദേശീയ ചലച്ചിത്രപുരസ്‌കാര നിര്‍ണ്ണയം അവസാനറൗണ്ടില്‍ മലയാളത്തില്‍ നിന്ന് അഞ്ച് ചിത്രങ്ങളെത്തിയതായി സൂചന. ഇന്നലെയാണ് ചിത്രങ്ങളുടെ സ്‌ക്രീനിംഗ് പൂര്‍ത്തിയായത്. ഈ മാസം 24ന് പുരസ്‌കാരപ്രഖ്യാപനം നടക്കും. ഒറ്റാല്‍, അലിഫ്, ഒരാള്‍പൊക്കം, ഐന്‍, 1983, ബാംഗ്‌ളൂര്‍ ഡേയ്‌സ് എന്നീ ചിത്രങ്ങളാണ് അന്തിമ റൗണ്ടിലേക്ക് കടന്നതെന്ന് സൂചന. ജയരാജ് സംവിധാനം ചെയ്ത ഒറ്റാല്‍, കെ മുഹമ്മദ് കോയയുടെ അലിഫ് എന്നീ സിനിമകള്‍ പ്രധാന പുരസ്‌കാരങ്ങളില്‍ ഇടംകണ്ടെത്തിയതായും റിപ്പോര്‍ട്ടുണ്ട്. മുന്നറിയിപ്പ് എന്ന ചിത്രത്തിനൊപ്പം മമ്മൂട്ടിയുടെ പ്രകടനം പ്രാദേശിക ജൂറി കേന്ദ്രജൂറിക്ക് സമര്‍പ്പിച്ചെങ്കിലും പരിഗണനയിലെത്തിയില്ല എന്നാണ് സൂചന. ദേശീയ ജൂറിയുടെ പുരസ്‌കാര പരിഗണനയില്‍ മലയാളത്തില്‍ നിന്ന് ആരും പരിണിക്കപ്പെട്ടില്ല. ജയസൂര്യ അന്തിമറൗണ്ടിലെത്തിയെന്ന് വാര്‍ത്തയുണ്ടായിരുന്നെങ്കിലും ഇതുവരെയുള്ള സ്‌ക്രീനിംഗില്‍ അപ്പോത്തിക്കിരിയോ ജയസൂര്യയോ പരിഗണനയായിട്ടില്ലെന്നാണ് അറിയാന്‍ കഴിഞ്ഞത്. കേരളത്തില്‍ നിന്ന് നടീ-നടന്‍മാരെ ആരെയും പരിഗണിക്കുകയുണ്ടായില്ല.

ബാംഗ്‌ളൂര്‍ ഡേയ്‌സ് മികച്ച ജനപ്രിയ ചിത്രമായേക്കുമെന്നാണ് സൂചന. ഈ വിഭാഗത്തിലേക്ക് ഹൗ ഓള്‍ഡ് ആര്‍ യൂ പരിഗണിക്കുന്നതിന് കേരളത്തില്‍ നിന്നും തമിഴ്‌നാട്ടില്‍ നിന്നും ജൂറിക്ക് മേല്‍ സമ്മര്‍ദ്ദമുണ്ടായിരുന്നു എന്നും അറിയുന്നു. പ്രാദേശിക ജൂറി ഹൗ ഓള്‍ ആര്‍ യൂ പരിഗണിച്ചിരുന്നില്ല. മുന്നറിയിപ്പ്, ഞാന്‍, ഞാന്‍ നിന്നോട് കൂടെയുണ്ട്, ജലം, കംപാര്‍ട്ട്‌മെന്റ് എന്നീ ചിത്രങ്ങളും പ്രാദേശിക ജൂറി സെന്‍ട്രല്‍ ജൂറിക്ക് മുമ്പാകെ സമര്‍പ്പിച്ചിരുന്നു. പ്രത്യേക വിഭാഗങ്ങളിലേക്ക് മൂന്നും പ്രധാന പുരസ്‌കാരങ്ങളിലേക്ക് പതിനൊന്നും ചിത്രങ്ങളാണ് സംവിധായകന്‍ ഭാഗ്യരാജ്, കമല്‍ എന്നിവരടങ്ങുന്ന ജൂറി അയച്ചത്.


ദേശീയ ചലച്ചിത്ര അവാര്‍ഡ് മലയാളത്തിന് തിളക്കമില്ല, അഞ്ച് അവാര്‍ഡുകള്‍ മാത്രം

62nd National Film Awards- Films Ottal and Ain

ദേശീയ ചലച്ചിത്രപുരസ്‌കാരങ്ങള്‍ പ്രഖ്യാപിച്ചു. മറാഠി ചിത്രമായ 'കോര്‍ട്ട്' ആണ് മികച്ച ചിത്രം. ബംഗാളി ചിത്രമായ ചതുഷ്‌കോണ്‍ ഒരുക്കിയ ശ്രീജിത് മുഖര്‍ജി മികച്ച സംവിധാനത്തിനുള്ള പുരസ്‌കാരം നേടി കന്നഡ താരം സഞ്ചാരി വിജയ് (നാന്‍ അവനല്ല അവളു) മികച്ച നടനായും കങ്കണാ റണൗട്ട് (ക്വീന്‍) മികച്ച നടിയായും തെരഞ്ഞെടുക്കപ്പെട്ടു. മറാഠി ചിത്രം കില്ല പ്രത്യേക പരാമര്ശം സ്വന്തമാക്കി. ബോബി സിംഹയാണ് മികച്ച സഹനടനുള്ള പുരസ്‌കാരം നേടിയത് ചിത്രം ജിഗര്തണ്ട. സുപ്രധാന പുരസ്‌കാരങ്ങളില്‍ ഇടമില്ലെങ്കിലും മലയാളത്തിന് അഞ്ച് അവാര്‍ഡുകളുണ്ട്.

gokul suresh gopi to act in malayalam movie


നടനും സംവിധായകനുമായ സിദ്ധാര്‍ത്ഥ് ശിവയുടെ ഐന്‍ ആണ് മികച്ച മലയാള ചിത്രം. ജയരാജ് സംവിധാനം ചെയ്ത ഒറ്റാല്‍ എന്ന ചിത്രത്തിന് മികച്ച പരിസ്ഥിതി ചിത്രത്തിനുള്ള പുരസ്‌കാരം ലഭിച്ചു. മികച്ച തിരക്കഥാകൃത്ത് ഒറ്റാലിന്റെ രചന നിര്‍വ്വഹിച്ച ജോഷി മംഗലത്ത് ആണ്. അവലംബിത തിരക്കഥാ വിഭാഗത്തിലാണ് പുരസ്‌കാരം മികച്ച അഭിനയത്തിനുള്ള ജൂറിയുടെ പ്രത്യേക പരാമര്ശത്തിന് സിദ്ധാര്‍ത്ഥ് ശിവ സംവിധാനം ചെയ്ത ഐന്‍ എന്ന ചിത്രത്തിലൂടെ മുസ്തഫ തെരഞ്ഞെടുക്കപ്പെട്ടു. പാലേരി മാണിക്യം എന്ന ചിത്രത്തിലൂടെ അഭിനയരംഗത്തെത്തിയ ആളാണ് മുസ്തഫ.

gokul suresh gopi to act in malayalam movie


ജയരാജ് സംവിധാനം ചെയ്ത ഒറ്റാല്‍ മികച്ച ചിത്രം, സംവിധായകന്‍ എന്നീ വിഭാഗങ്ങളില്‍ അന്തിമപട്ടികയിലെത്തിയിരുന്നു. ചിത്രസംയോജനത്തിന് മലയാളിയ വിവേക് ഹര്‍ഷന് ജിഗര്‍തണ്ടയിലെ എഡിറ്റിംഗിന് പുരസ്‌കാരം ലഭിച്ചു ജനപ്രിയ ചിത്രം: മേരി കോം ,സംഗീത സംവിധായകന്‍ വിശാല്‍ ഭരദ്വാജ്(ഹൈദര്‍) , മികച്ച ഗായകന്‍ സുഖ്‌വിന്ദര്‍ സിംഗ് (ബിസ്മില്‍ ഹൈദര്‍),മികച്ച ഗായിക ഉത്തര ഉണ്ണികൃഷ്ണന്‍ (ശൈവം)


കോസ്റ്റ്യൂം ഡിസൈനര്‍: ഡോളി അഹ്‌ലുവാലിയ (ഹൈദര്‍)

സഹനടിക്കുള്ള പുരസ്‌കാരം ബല്‍ജീന്ദര്‍ കൗറിനാണ്. പഗ്ഡി ദ ഹോണര്‍ എന്ന ഹിന്ദി ചിത്രത്തിലെ പ്രകടനത്തിനാണഅ പുരസ്‌കാരം. സൗണ്ട് ഓഫ് ജോയ് ആണ് മികച്ച ആനിമേറ്റഡ് ചിത്രം.

പ്രാദേശിക ജൂറി മലയാളത്തില്‍ നിന്ന് പതിനാല് ചിത്രമാണ് കേന്ദ്രജൂറിയുടെ പരിഗണനയ്ക്ക് അയച്ചത്. മുന്നറിയിപ്പ്,ഞാന്‍,ഞാന്‍ നിന്നോട് കൂടെയുണ്ട്, ഐന്‍,അലിഫ്,ഒറ്റാല്‍,ഒരാള്‍ പൊക്കം, മൈ ലൈഫ് പാര്‍ട്ണര്‍, 1983, കംപാര്‍ട്ട്‌മെന്റ് എന്നിവയായിരുന്നു ചിത്രങ്ങള്‍.

gokul suresh gopi to act in malayalam movie


മികച്ച നടിക്കായുള്ള മത്സരത്തില്‍ ക്വീനിലെ പ്രകടനത്തിന് കങ്കണാ റണൗട്ടിനൊപ്പം പ്രിയങ്കാ ചോപ്ര(മേരി കോം), റാണി മുഖര്‍ജി(മര്‍ദാനി) എന്നിവരും മത്സരത്തിനുണ്ടായിരുന്നു. മലയാളത്തില്‍ നിന്ന് പ്രാദേശിക ജൂറി മമ്മൂട്ടിയെ സെന്‍ട്രല്‍ ജൂറിയുടെ പരിഗണനയ്ക്ക് അയച്ചിരുന്നെങ്കിലും ദേശീയ പുരസ്‌കാര റൗണ്ടില്‍ എത്തിയില്ലെന്നാണ് അറിയാന്‍ കഴിഞ്ഞത്.

gokul suresh gopi to act in malayalam movie


ഭാരതി രാജ അധ്യക്ഷനായ ജൂറിയില്‍ രാജേഷ് ടച്ച്‌റിവര്‍, ഡോ. നന്ത്യത്ത് ഗോപാലകൃഷ്ണന്‍ എന്നിവര്‍ അംഗങ്ങളാണ്.


തീയറ്ററില്ല: കെഎസ്എഫ്ഡിസി ചെയര്‍മാന്‍ നിര്‍മ്മിച്ച സിനിമ ഇന്‍റര്‍നെറ്റിലൂടെ റീലീസ് ചെയ്യുന്നു.

8-20

കേരള സ്റ്റേറ്റ് ഫിലിം ഡവലപ്മെന്‍റ് കോര്‍പ്പറേഷന്റെ ചെയര്‍മാന്‍ സാബുചെറിയാന്‍ നിര്‍മ്മിച്ച തന്റെ പുതിയ ചിത്രം ഇന്‍റര്‍നെറ്റിലൂടെ റീലീസ്സ് ചെയ്യുന്നു. 8.20 എന്ന ചിത്രമാണ് ഇത്തരത്തില്‍ റീലീസ് ചെയ്യുന്നത്. ഇന്‍റര്‍നെറ്റിലൂടെ റീലീസ് ചെയ്യുന്ന ഇന്ത്യയിലെ ആദ്യത്തെ ചിത്രമാണിത്. ചെറിയ സീനിമകള്‍ക്ക് തീയറ്റര്‍ ലഭിക്കാത്ത സാഹചര്യത്തിലാണ് ഇത്തരം ഒരു തീരുമാനമെന്ന് സാബു ചെറിയാന്‍ പറയുന്നു. 18 തീയറ്ററുകളുാണ് ഈ ചിത്രത്തിന് ലഭിച്ചതെത്രെ. കെഎസ്എഫ്ഡിസിയുടെ തീയറ്ററുകളില്‍പോലും ചെറിയ ചിത്രങ്ങള്‍ക്ക് ഇടം കിട്ടുന്നില്ലെന്ന് നിര്‍മ്മാതാക്കളും സംവിധായകരുടെയും നിരന്തര പരാതിക്കിടെയാണ് അതേ സ്ഥാപനത്തിന്റെ ചെയര്‍മാന്‍ തന്നെ തന്റെ ദുര്‍വിധിയെ പഴിക്കുന്നതും പുതിയ മാര്‍ഗം തേടുന്നതും. www.letfilm.com എന്ന വെബ്സെറ്റില്‍ നിന്നും ചിത്രം ലോകത്തെവിടെയും ഡൗണ്‍ലോഡ് ചെയ്ത് കാണാം.

കേരളത്തിലെ തീയറ്ററുകള്‍ താരങ്ങളെ മാത്രം കേന്ദ്രീകരിച്ചാണ് പ്രവര്‍ത്തിക്കുന്നത്. ചെറിയ ചിത്രങ്ങളെ ചവിട്ടി പുറത്താക്കുകയാണ് പതിവ്. ഇത്തരത്തില്‍ ചവിട്ടി പുറത്താക്കുകയും പിന്നീട് അപമാനഭാരമില്ലാതെ സ്വീകരിക്കേണ്ടിയും വന്ന ചിത്രങ്ങളാണ് വെള്ളിമൂങ്ങയും ഇതിഹാസയും. ചെറു ചിത്രങ്ങളോട് കെഎസ്എഫ്ഡിസി സ്വീകരിക്കുന്ന സമീപനവും വലിയ വിമര്‍ശനത്തിന് വഴിവച്ചിട്ടുണ്ട്. സര്‍ക്കാര്‍ തലത്തില്‍ ഒന്നും ചെയ്യാനാവുന്നില്ല എന്നതിന്റെ വ്യക്തമായ ഉദാഹരണമാണ് ചെയര്‍മാന്റെ തന്നെ തുറന്നുപറച്ചില്‍. ചെറിയ തീയറ്റര്‍ സമുച്ചയങ്ങള്‍ എന്ന ആശയം സര്‍ക്കാര്‍ തലത്തില്‍ വ്യാപകമായി നടപ്പാക്കിയാല്‍ മാത്രമെ ഇപ്പോഴത്തെ പ്രശ്നത്തിന് പരിഹാരം കാണാണാനാവു. പഞ്ചായത്ത് അടിസ്ഥാനത്തില്‍ ഇത്തരത്തില്‍ തിയറ്ററുകള്‍ നിര്‍മ്മിക്കുന്നകാര്യം അന്നത്തെ സിനിമാ മന്ത്രി ഗണേഷ് കുമാര്‍ പരിഗണിച്ചിരുന്നു. സ്പോര്‍ട്സും സിനിമയും അറിയാത്ത ഇപ്പോഴത്തെ മന്ത്രിയെ സംബന്ധിച്ച് ഇതൊന്നും ബാധകമേയല്ല.


87-ാമത് അക്കാദമി അവാര്‍ഡ്

87th Academy Awards 2015

87-ാമത് അക്കാദമി അവാര്‍ഡുകള്‍ പ്രഖ്യാപിച്ചു. 'ബേഡ്മാന്‍' ആണ് മികച്ച ചിത്രത്തിനുള്ള പുരസ്‌കാരം. മികച്ച ചിത്രത്തിന് ഉള്‍പ്പെടെ നാല് പുരസ്‌കാരങ്ങള്‍ ബേഡ് മാന്‍ സ്വന്തമാക്കി. അലക്‌സാണ്ട്രോ ഗോണ്‍സാലോ ഇനാരിറ്റു ആണ് മികച്ച സംവിധായകന്‍. സ്റ്റീഫന്‍ ഹോക്കിങ്ങിനെക്കുറിച്ചുള്ള 'ദ തിയറി ഓഫ് എവരിതിംഗി'ല്‍ മികച്ച പ്രകടനം പുറത്തെടുത്ത എഡ്ഡീ റഡ്മീന്‍ ആണ് മികച്ച നടന്‍. മികച്ച നടിക്കുള്ള പുരസ്‌കാരം ജൂലിയാനെ മൂര്‍ സ്വന്തമാക്കി. 'സ്റ്റില്‍ ആലീസി'ലെ അഭിനയത്തിനാണ് പുരസ്‌കാരം.

മികച്ച സഹനടനുള്ള പുരസ്‌കാരം ജെകെ സിമ്മണ്‍സിന് (വിപ്‌ലാഷ്) ലഭിച്ചു. മികച്ച സഹനടിക്കുള്ള പുരസ്‌കാരം 'ബോയ്ഹുഡ്' എന്ന ചിത്രത്തിലെ പ്രകടനത്തിന് പാട്രിഷ്യ ആര്‍ക്വറ്റിന് ലഭിച്ചു. പോളിഷ് സംവിധായകനായ പവല്‍ പൗലികോവ്‌സ്‌കി ഒരുക്കിയ 'ഇഡ'ക്കാണ് മികച്ച വിദേശഭാഷ ചിത്രത്തിനുള്ള പുരസ്‌കാരം.

പുരസ്‌കാരങ്ങള്‍ ഒറ്റനോട്ടത്തില്‍


ചിത്രം - ബേഡ്മാന്‍
സംവിധായകന്‍: അലക്‌സാണ്ട്രോ ഗോണ്‍സാലോ ഇനാരിറ്റു(ബേഡ്മാന്‍)
നടന്‍ - എഡ്ഡി റഡ്മീന്‍(ദ തിയറി ഓഫ് എവരിതിംഗ്)
നടി- ജൂലിയന്‍ മൂറെ (സ്റ്റില്‍ ആലിസ്)
മികച്ച സഹനടന്‍ - ജെകെ സിമണ്‍സ്( വിപ്‌ലാഷ്)
സഹനടി-പാട്രീഷ്യ ആര്‍ക്വറ്റി (ബോയ്ഹുഡ്)
ഛായാഗ്രാഹകന്‍ - ഇമ്മാനുവേല്‍ ലുബെസ്‌കി(ബേഡ്മാന്‍)
തിരക്കഥ -ബേഡ്മാന്‍
അവലംബിത തിരക്കഥ - ദ ഇമിറ്റേഷന്‍ ഗെയിം
എഡിറ്റിങ്ങ് - ടോം ക്രൂസ് (വിപ്‌ലാഷ്)
അനിമേഷന്‍ ചിത്രം - ബിഗ് ഹീറോ 6
ഡോക്യുമെന്ററി - സിറ്റിസണ്‍ ഫോര്‍
ഒറിജിനല്‍ സോംഗ് - ഗ്ലോറി(സെല്‍മ)
പശ്ചാത്തല സംഗീതം- അലക്‌സാണ്ടര്‍ ഡെസ്പ്ലാറ്റ്( ദ ഗ്രാന്‍ഡ് ബുഡാപെസ്റ്റ് ഹോട്ടല്‍)
വസ്ത്രാലങ്കാരം-മിലേന കനൊനേറ( ദ ഗ്രാന്‍ഡ് ബുഡാപെസ്റ്റ് ഹോട്ടല്‍)
മെയ്ക്ക്അപ്പ്, കേശാലങ്കാരം - ഫ്രാന്‍സിസ് ഹനോന്‍, മാര്‍ക്ക് കൗലിയര്‍( ദ ഗ്രാന്‍ഡ് ബുഡാപെസ്റ്റ് ഹോട്ടല്‍)
വിദേശചിത്രം-ഇഡ(പോളണ്ട്)
ലൈവ് ആക്ഷന്‍ ഷോട്ട് ഫിലിം- ദ ഫോണ്‍ കോള്‍
സൗണ്ട് മിക്‌സിങ്ങ് - ക്രെയ്ഗ് മാന്‍, ബെന്‍ വില്‍കിന്‍സ്, തോമസ് കര്‍ലി(വിപ്‌ലാഷ്)
സൗണ്ട് എഡിറ്റിങ്ങ് - അലന്‍ റോബര്‍ട്ട് മുറേ, ബബ് അസ്മാന്‍( അമേരിക്കന്‍ സ്‌നിപ്പര്‍)
വിഷ്വല്‍ ഇഫക്ട്‌സ് - പോള്‍ ജെ ഫ്രാങ്കലിന്‍, ആന്‍ഡ്യൂ ലോക്ക്‌ലി, ഇയാന്‍ ഹണ്ടര്‍, സ്‌കോട്ട് ആര്‍ ഫിഷര്‍(ഇന്റര്‍സ്റ്റെല്ലാര്‍)
അനിമേറ്റഡ് ഷോട്ട് ഫിലിം -ഫീസ്റ്റ്
പ്രൊഡക്ഷന്‍ ഡിസൈന്‍ - ആഡം സ്‌റ്റോക്ഹൗസന്‍, അന്ന പിന്നോക്ക്( ദ ഗ്രാന്‍ഡ് ബുഡാപെസ്റ്റ് ഹോട്ടല്‍)


പുതിയ വാര്‍ത്തകള്‍

മമ്മുട്ടിയും മോഹന്‍ലാലും ഒരുമിച്ച് ഒരു ചിത്രമുണ്ടോ?

മമ്മുട്ടിയും മോഹന്‍ലാലും ഒരുമിച്ച് ഒരു ചിത്രമുണ്ടോ?

മമ്മൂട്ടിയെയും മോഹന്‍ലാലിനെയും നായകരാക്കി ഇനിയൊരു ചിത്രം ഉണ്ടോ?. കേരളത്തിലെ മുഴുവന്‍ ചലച്ചിത്രപ്രേമികളും ഒന്നുപോലെ പ്രതീക്ഷിച്ചിരിക്കുന്ന ഈ ചിത്രം...

മൈഥിലി ഇനി രഞ്ജിത്തിന്റെ സഹസംവിധായിക

മൈഥിലി ഇനി രഞ്ജിത്തിന്റെ സഹസംവിധായിക

പാലേരി മാണിക്യം എന്ന ചിത്രത്തിലൂടെ തന്നെ ക്യാമറയ്ക്ക് മുന്നിലെത്തിച്ച ഗുരുവിനൊപ്പം മൈഥിലി വീണ്ടും. സംവിധായകന്‍ രഞ്ജിത്തിന്റെ പുതിയ ചിത്രമായ ലോഹത്തില്‍...

മഞ്ജരി  സംഗീത സംവിധായികയാവുന്നു

മഞ്ജരി സംഗീത സംവിധായികയാവുന്നു

പിന്നണിഗായിക മഞ്ജരി സംഗീത സംവിധായികയാവുന്നു. നടി മല്ലിക സംവിധാനം ചെയ്യുന്ന ചിത്രത്തിലാണ് മഞ്ജരി യുടെ അരങ്ങേറ്റം. ചിത്രത്തിന്റെ ഷൂട്ടിംഗ് ആഗസ്റ്റില്‍...

ദേശീയ പുരസ്‌കാര ജേതാവായ പ്രശസ്ത നായിക മല്ലിക എവിടെയാണ്

ദേശീയ പുരസ്‌കാര ജേതാവായ പ്രശസ്ത നായിക മല്ലിക എവിടെയാണ്

ഏറെ കാലമായി മല്ലികയെ കുറിച്ച് ഒരു വിവരവും കിട്ടാതിരിക്കെ ഇതാ പുത്തൻ വിവരം പുറത്തുവന്നു. മല്ലിക സംവിധായികയാവുന്നു. കലൂര്‍ ഡെന്നീസിന്റെ പഴനിയിലെ കനകം എന്ന കഥയെ...

ദേശീയ അവാര്‍ഡ് കാശ്മീരി പണ്ഡിറ്റുകള്‍ക്ക് സമര്‍പ്പിച്ച് വിശാല്‍ ഭരദ്വാജ്, തട്ടിപ്പെന്ന് അനുപംഖേര്‍

ദേശീയ അവാര്‍ഡ് കാശ്മീരി പണ്ഡിറ്റുകള്‍ക്ക് സമര്‍പ്പിച്ച് വിശാല്‍ ഭരദ്വാജ്, തട്ടിപ്പെന്ന് അനുപംഖേര്‍

ഹൈദറിന് ലഭിച്ച് അഞ്ച് ദേശീയ പുരസ്‌കാരങ്ങള്‍ കാശ്മീരി പണ്ഡിറ്റുകള്‍ക്ക് സമര്‍പ്പിക്കുന്നതായി സംവിധായകന്‍ വിശാല്‍ ഭരദ്വാജ്. കാശ്മീരി പണ്ഡിറ്റുകളുടെ...

മമ്മൂട്ടിയുടെ ചാട്ടം, ഭാസ്‌കര്‍ ദ റാസ്‌കല്‍ പോസ്റ്റര്‍ സൂപ്പര്‍ഹിറ്റ്

മമ്മൂട്ടിയുടെ ചാട്ടം, ഭാസ്‌കര്‍ ദ റാസ്‌കല്‍ പോസ്റ്റര്‍ സൂപ്പര്‍ഹിറ്റ്

മമ്മൂട്ടിയുടെ വിഷുച്ചിത്രമായെത്തുന്ന ഭാസ്‌കര്‍ ദ റാസ്‌കല്‍ എന്ന സിനിമയ്ക്കായി ഒരുക്കിയ മമ്മൂട്ടി ചാടുന്ന ചിത്രവുമായെത്തിയ പോസ്റ്റര്‍ സോഷ്യല്‍ മീഡിയയില്‍...

കമല്‍ഹാസനോട് പരസ്യമായി മാപ്പപേക്ഷിച്ച് ആമിര്‍ഖാന്‍

കമല്‍ഹാസനോട് പരസ്യമായി മാപ്പപേക്ഷിച്ച് ആമിര്‍ഖാന്‍

വിശ്വരൂപം എന്ന സിനിമയുടെ റിലീസ് വേളയില്‍ ചിത്രം നിരോധിക്കാന്‍ ഒറ്റക്കെട്ട നീക്കമുണ്ടായപ്പോള്‍ കമല്‍ഹാസനൊപ്പം നില്‍ക്കാനാതിരുന്നതിന് പരസ്യമായി...

ദേശീയ ചലച്ചിത്ര അവാര്‍ഡ് മലയാളത്തിന് തിളക്കമില്ല, അഞ്ച് അവാര്‍ഡുകള്‍ മാത്രം

ദേശീയ ചലച്ചിത്ര അവാര്‍ഡ് മലയാളത്തിന് തിളക്കമില്ല, അഞ്ച് അവാര്‍ഡുകള്‍ മാത്രം

ദേശീയ ചലച്ചിത്രപുരസ്‌കാരങ്ങള്‍ പ്രഖ്യാപിച്ചു. മറാഠി ചിത്രമായ 'കോര്‍ട്ട്' ആണ് മികച്ച ചിത്രം. ബംഗാളി ചിത്രമായ ചതുഷ്‌കോണ്‍ ഒരുക്കിയ ശ്രീജിത് മുഖര്‍ജി മികച്ച...

ദുരൂഹതുകളുമായി രാജു, മോഹന്‍ലാലിന്റെ ആക്ഷന്‍ ത്രില്ലര്‍ ലോഹം

ദുരൂഹതുകളുമായി രാജു, മോഹന്‍ലാലിന്റെ ആക്ഷന്‍ ത്രില്ലര്‍ ലോഹം

ഒരു പാട് ദുരൂഹതകളുമായി രാജു. പേരില്‍ രഞ്ജിത്തിന്റെ മുന്‍കഥാപാത്രങ്ങളുടെ ഗാംഭീര്യമില്ലെങ്കിലും ലോഹം എന്ന സിനിമയില്‍ മോഹന്‍ലാലിന്റെ കഥാപാത്രത്തിന്റെ...

ലവ് 24x7,  ചാനല്‍ അവതാരകന്റെ പ്രണയജീവിതവുമായി ദിലീപ് ചിത്രം

ലവ് 24x7, ചാനല്‍ അവതാരകന്റെ പ്രണയജീവിതവുമായി ദിലീപ് ചിത്രം

ശ്രീബാല കെ മേനോന്‍ സംവിധാനം ചെയ്യുന്ന ദിലീപ് ചിത്രത്തിന് ലവ് 24x7 എന്ന് പേരിട്ടു. സിനിമയുടെ ചിത്രീകരണം കൊച്ചിയില്‍ പുരോഗമിക്കുകയാണ്. ജീവിതം...


219 News Items found. Page 1 of22