പ്രണയത്തിന്റെ നൂറ് ദിവസം മുടക്കുന്നത് നിത്യയോ?

100 days of love

സംവിധായകന്‍ കമലിന്റെ മകന്‍ ജാനസ് സംവിധാനം ചെയ്യുന്ന 100 ഡെയ്സ് ഓഫ് ലൗ എന്ന ചിത്രം മുടങ്ങുന്നതിന് പിന്നില്‍ നിത്യമേനോന്‍? ഒറ്റ ഷ്യെൂളില്‍ ഷൂട്ടിങ്ങ് പൂര്‍ത്തിയാക്കാന്‍ ലക്ഷ്യമിട്ട് ആരംഭിച്ച ചിത്രം നിര്‍മ്മാതാവിനെ വട്ടം കറക്കി നിലച്ചിരിക്കുകയാണ്. ഒരു മാസത്തോളം ഈ ചിത്രത്തിന്റെ ഷൂട്ടിങ്ങ് പുരോഗമിച്ചിരുന്നു. ദുല്‍ഖര്‍ നായകനും നിത്യമേനോന്‍ നായികയുമാണ് ഈ ചിത്രത്തില്‍. അനന്തമായി ചിത്രം നീളുന്നതിന് പിന്നണി പ്രവര്‍ത്തകര്‍ പറയുന്ന കാരണമല്ല യഥാര്‍ഥത്തില്‍ എന്നറിയുന്നു. വിനീത് ശ്രീനിവാസന്‍ അഭിനയിച്ച ഓര്‍മയുണ്ടോ ഈ മുഖം എന്ന ചിത്രത്തിന്റെ കഥയും 100 ഡെയ്സ് എന്ന ചിത്രത്തിന്റെ കഥയും ഒന്നായതാണ് കാരണമെന്നാണ് പിന്നണി പ്രവര്‍ത്തകരുടെ വാദം. അതുകൊണ്ട് ഒരു ചിത്രീകരിച്ച സീനുകള്‍ മാറ്റി വീണ്ടും ചിത്രീകരിക്കുന്നതിനുള്ള ശ്രമമാണിപ്പോള്‍ എന്നും പറയപെടുന്നു. എന്നാല്‍ യഥാര്‍ഥ വസ്തുത ഇതല്ല. ചിത്രം മുടങ്ങിയതോടെ ദുല്‍ഖര്‍ മണിരത്നത്തിന്റെ പടത്തില്‍ ജോയിന്‍ ചെയ്തു. നിത്യ മേനോനും. മണിരത്നം പടം അതിവേഗതയില്‍ മുന്നോട്ട് പോകുന്നതിനിടെ ഇനി ജാനസിന്റെ ചിത്രത്തിലേക്ക് അവര്‍ മടങ്ങിയെത്താന്‍ ഇനിയും വൈകും. ജനുവരി അഞ്ചിന് ഷൂട്ടിങ്ങ് ആരംഭിക്കാന്‍ പിന്നണി പ്രവര്‍ത്തകര്‍ ശ്രമം തുടങ്ങിയിട്ടുണ്ട്. ഷൂട്ടിങ്ങിനിടെ നിത്യമേനോനുമായുണ്ടായ ഒരു അടുപ്പമാണ്ഷൂട്ടിങ്ങ് നീണ്ടുപോകാന്‍ ഇടയാക്കിയെന്നും ആക്ഷേപമുയര്‍ന്നിട്ടുണ്ട്.


ആമയും മുയലും വരുന്ന വഴികള്‍

Aamayum Muyalum

കഥയില്ലാമ്യയുടെ പ്രതിസന്ധിയിലാണ് പല സംവിധായകരും. അതിന്റെ മറ്റൊരു ഉദാഹരണമാണ് പ്രീയദര്‍ശന്റെ ആമയും മുയലും. മലയാളത്തില്‍ ചെയ്ത ചിത്രങ്ങള്‍ അന്യഭാഷാചിത്രങ്ങളുടെ അനുകരണമാണെങ്കില്‍ മലയാളത്തില്‍ വിജയിച്ചതിന്റെ അനുകരണങ്ങളായിരുന്നു പ്രീയദര്‍ശന്റെ ഹിന്ദി ചിത്രങ്ങള്‍. ഹിന്ദിയില്‍ വന്‍ ഹിറ്റായി മാറിയ മലാമല്‍ വീക്കിലി എന്ന ചിത്രമാണ് ആമയും മുയലുമായി രൂപപരിണാമം സംഭവിച്ച് എത്തുന്നത്. ലോട്ടറിയാണ് മലാമല്‍ വീക്കിലിയുടെ പ്രമേയം. ഇന്നസെന്‍റിന്റെ കഥാപാത്രത്തിന് ലോട്ടറി അടിച്ച് സന്തോഷത്തോടെ മരിക്കുന്നു. മരിച്ചിരിക്കുന്ന അയാളില്‍ നിന്നും ലോട്ടറി തട്ടിയെടുക്കാന്‍ ലോട്ടറി ഏജന്‍റ് ശ്രമിക്കുന്നതുമാണ് പ്രമേയം. ഈ ചിത്രം തന്നെ കിലുക്കവും ചിത്രവും തുടങ്ങി മുഴുവന്‍ പ്രീയന്‍ ചിത്രങ്ങളുടെയും അവിയല്‍ പരുവമായിരുന്നു. ദൃശ്യഭംഗിയും അഭിനയമികവും ചേര്‍ത്തതിണക്കാന്‍ പ്രയദര്‍ശനുള്ള കഴിവിന്റെ ഉദാഹരണമായിരുന്നു ഈ ചിത്രം. പരേശ് റാവലിശനാപ്പം അമരേഷ് പുരി കോമഡി കഥാപാത്രമായി എത്തിയ ചിത്രം കൂടിയാണിത്. ഇനി ഈ കഥ മൗലികമാണ് എന്ന് കരുതിയാല്‍ തെറ്റി.

1998 ല്‍ അമേരിക്കയില്‍ പുറത്തിറങ്ങിയ വാക്കിങ്ങ് നെഡ് ഡിവൈന്‍ എന്ന ചിത്രമാണ്. മലാമല്‍ വീക്കിലിയായത്. ക്രിക്ക് ജോണ്‍സാണ് സംവിധാനം. ഇയാന്‍ ബനേല്‍, ഡേവിഡ് കെല്ലി തുടങ്ങിയവരാണ് താരങ്ങള്‍. കഥയില്‍ സംശയമേ വേണ്ട. വാക്കിങ്ങ് നെഡ് ഡിവൈനിന്റെ കഥ തന്നെയാണ് മലാമല്‍ വീക്കിലിയില്‍. അതുതന്നെയാണ് ആമയും മുയലും. ആമയും മുയലും വരുന്ന വഴി ഇതാണ്.


പാവാട മാറ്റി ഇനി മമ്മുട്ടിയുടെ അഛാ ദിന്‍

Achadin

ദൈവത്തിന്റെ സ്വന്തം ക്ലീറ്റസിന് ശേഷം മാര്‍ത്താണ്ഡന്‍ സംവിധാനം ചെയ്യുന്ന ചിത്രത്തിലും മമ്മുട്ടി നായകന്‍. അഛാ ദിന്‍ എന്ന് പേരിട്ട ചിത്രം ഫെബ്രുവരിയില്‍ ഷൂട്ടിങ്ങ് തുടങ്ങും. ലാല്‍ ജോസ് ചിത്രം ഇമ്മാനുവലിന്റെ തിരക്കഥാകൃത്ത് എ സി വിജേഷാണ് ഈ ചിത്രത്തിന്റെ രചന. നായിക പുതുമുഖമായിരിക്കും. പാവാട എന്ന പേരിലുള്ള ചിത്രമാണ് മാര്‍ത്താണ്ഡന്‍ ചെയ്യാനിരുന്നത്. എന്നാല്‍ അത് മെയിലേക്ക് ഷൂട്ടിങ്ങ് മാറ്റി.


നന്ദിയില്ലാത്ത സിനിമലോകത്തിന് ഒരു ഇരകൂടി

actor ratheesh wife diana

നടന്‍ രതീഷിന്റെ ഭാര്യ ഡയാന അന്തരിച്ചുവെന്നത് ഒരു അസാധരണത്വമവുമില്ലാത്ത വസ്തുതയായി അവസാനിച്ചു. പക്ഷെ ചലച്ചിത്രലോകത്തിന്റെ പുറം കാഴ്ചക്ക് അപ്പുറമുള്ള ഒരു യഥാര്‍ഥ ജീവിതമാണ് പൊലിഞ്ഞത്. സിനിമയില്‍ വ്യത്യസ്തമായ വേഷങ്ങള്‍ കൊണ്ട് ചലനം സൃഷ്ടിച്ച നടനായിരുന്നു രതീഷ്. വില്ലനായും നായകനായും തിളങ്ങിയ രതീഷിന്റെ മരണം അനവസരത്തിലായിരുന്നു. കരിയറിന്റെ മികച്ച സമയത്ത് അപ്രതീക്ഷിമായല്ല പകരം മരണത്തെ വിളിച്ചുവരുത്തുകയായിരുന്നു എന്നും പറയാം. ചലച്ചിത്രരംഗത്തെ ജീവിതരീതികളുടെ കൂടി ഇര.

രതീഷിന്റെ മരണശേഷം നാല് കുട്ടികള്‍ അടങ്ങുന്ന കുടുംബവും ഭാര്യ ഡയാനയും ദുരിതത്തിലായിരുന്നു. ചലച്ചിത്രരംഗത്തുനിന്നുള്ള സമ്പാദ്യമൊന്നും ആ കുടുംബത്തിനുണ്ടായിരുന്നില്ല. മാത്രമല്ല എസ്റ്റേറ്റും കൃഷിയും എന്ന് തുടങ്ങി കൈവച്ച മേഖലകളിലെല്ലാം പരാജയം നേരിട്ട രതീഷ് മരിക്കുമ്പോള്‍ കുടുംബത്തിന് ബാക്കിവച്ചത് ബാധ്യതകള്‍ മാത്രമായിരുന്നു. കുഞ്ഞുങ്ങളെ വളര്‍ത്താന്‍ ഡയാന പാടുപെട്ടു. സഹായത്തിന്റെ കൈത്തിരി നീട്ടിയവരില്‍ പ്രധാനി മോഹന്‍ലാലായിരുന്നു. കൂടാതെ നിര്‍മ്മതാവ് സുരേഷ് കുമാര്‍. അതിനിടെയായിരുന്നു അവര്‍ ക്യാന്‍സര്‍ രോഗബാധിതയായത്. കഴിഞ്ഞ കുറെ വര്‍ഷങ്ങളായി നീണ്ട ചികിത്സകള്‍. ആശുപത്രിവാസം. അക്ഷരാര്‍ഥത്തിലുള്ള ദുരിതകാലത്തുനിന്നാണ് അവര്‍ ഇപ്പോള്‍ മരണത്തിന് കീഴടങ്ങിയത്. ചലച്ചിത്രരംഗത്തെ ചില അടുപ്പക്കാര്‍ അല്ലാതെ മറ്റാരും സംസ്ക്കാരചടങ്ങില്‍ ഇല്ലായിരുന്നു. രതീഷിന്റെ മാത്രം അവസ്ഥയല്ല ഇത്. ചലച്ചിത്രരംഗത്ത് മിന്നിതിളങ്ങി നിന്ന നിരവധി താരങ്ങളുടെ ഗതിയും മറ്റൊന്നല്ല. വെള്ളിവെളിച്ചത്തില്‍ നിലനില്‍ക്കുന്ന കാലം വരെയെല്ലാം ഉണ്ടാകും. വാര്‍ധക്യത്തില്‍ ദുരിതം പേറുന്ന എത്രയോ പേര്‍.


അവളുടെ രാവുകളില്‍ സീമക്ക് പകരം മേഘ്ന

avalude ravukal meghana raj

ബോക്സ് ഓഫീസില്‍ വന്‍ ചലനം സൃഷ്ടിച്ച അവളുടെ രാവുകള്‍ വീണ്ടും വരുന്നു. സീമയുടെ ചൂടന്‍ രംഗങ്ങള്‍ക്കൊപ്പം പ്രമേയപരമായ വിപ്ലവവും മുന്നോട്ടുവച്ച അവളുടെ രാവുകളുടെ പുതിയ പതിപ്പില്‍ മേഘ്നരാജായിരിക്കും നായിക. പ്രേക്ഷകരെ ചൂടന്‍കാഴ്ചയില്‍ നിര്‍ത്തിയ മുന്‍കാല ചിത്രങ്ങളില്‍ പലതിന്റെയും റീമേക്കുകള്‍ ഇതിനകം പുറത്തുവന്നു കഴിഞ്ഞു.
അവളുടെ രാവുകളില വ്യേയായ രാജി എന്ന കഥാപാത്രത്തെയാണ് സീമ അവതരിപ്പിച്ചത്. ഐവി ശശിയായിരുന്നു സംവിധായകന്‍. ലൈംഗിക ബന്ധത്തിന് വേണ്ടി മാത്രം ഉപയോഗിക്കുന്ന ഒരാള്‍ പിന്നീട് നായികയെ ജീവിതത്തിലേക്ക് ക്ഷണിക്കുന്ന വിപ്ലവമായിരുന്നു ഈ സിനിമ. ഒരു സെക്സ് ചിത്രം എന്നതിനപ്പുറം ഈ ചിത്രം നിരൂപകപ്രശംസനേടിയതും അത്തരത്തിലാണ്. ആലപ്പി ഷെരിഫാണ് തിരക്കഥയെഴുതിയത്. പുതിയ പതിപ്പിലും അദ്ദേഹം തന്നെയാണ് ചില്ലറ മാറ്റങ്ങളോടെ രചന നിര്‍വ്വഹിക്കുന്നത്. ഒറ്റനാണയം എന്ന ചിത്രത്തിന്റെ സംവിധായകന്‍ സുരേഷ് കണ്ണനായിരിക്കും സംവിധാനം.
പഴയകാലചിത്രങ്ങളില്‍ തകര ഉള്‍പ്പെടെ റീമേക്കിന് ആലോചിച്ചിരുന്നു. നീലത്താമര എന്ന ചിത്രത്തിന്റെ രണ്ടാം വരവാണ് ഈ ട്രന്‍ഡിന് തുടക്കമിട്ടത്. നിര്‍മ്മാതാവ് സുരേഷ് കുമാര്‍ ലാല്‍ ജോസിന്റെ സംവിധാനത്തില്‍ നടത്തിയ പരീക്ഷണം വിജയം കണ്ടതോടെ തൊട്ടുപിന്നാലെ രതിനിര്‍വ്വേദം എത്തി. ചട്ടക്കാരി, പറങ്കിമല തുടങ്ങി റീമേക്കുകള്‍ എത്തി. എന്നാല്‍ സംവിധാനകല അറിയുന്ന മികച്ച പ്രതിഭകള്‍ ചെയ്തുവച്ച മൂലകൃതിയുടെ വാലില്‍ കെട്ടാന്‍ കൊള്ളുന്നവയായിരുന്നില്ല റീമേക്കുകള്‍ ഒന്നും. അതുകൊണ്ട് തന്നെ പ്രേക്ഷകര്‍ ഇവയെ നിഷ്കരുണം തള്ളികളഞ്ഞു. ചില ചലച്ചിത്രങ്ങള്‍ അതിന്റെ യഥാര്‍ഥ രൂപത്തില്‍ നിലനില്‍ക്കുന്നതാണ് ഉചിതം. അവളുടെ രാവുകള്‍ എന്ന മലയാളത്തിലെ ആദ്യ എ സര്‍ട്ടിഫിക്കറ്റ് ചിത്രത്തിന്റെ കാര്യത്തിലും ഇതില്‍ മാറ്റമില്ല.


ബാര്‍ നര്‍ത്തകി തിലോത്തമ

Bar Dancer

സ്ത്രീകള്‍ സംവിധാന രംഗത്തില്ല എന്ന പരാതിക്ക് പരിഹാരമാവുകയാണോ.. സത്യന്‍ അന്തിക്കാടിന്റെ അസോസിയേറ്റായ ശ്രീബാല കെ മേനോന്‍ ദിലീപ് ചിത്രം തുടങ്ങാനൊരുങ്ങുന്നതിനിടെ ഗോഗുലം ഫിലിംസിന്റെ ബാനറില്‍ പ്രീതി പണിക്കര്‍ തിരക്കഥയെഴുതി സംവിധാനം ചെയ്യുന്ന ചിത്രം തിരുവനന്തപുരത്ത് പുരോഗമിക്കുന്നു. രചനാ നാരായണന്‍ കുട്ടിയാണ് ചിത്രത്തില്‍ പ്രധാനവേഷത്തില്‍. നഗരത്തിലെ പഞ്ച നക്ഷത്രഹോട്ടലിലെ നര്‍ത്തകി റോസി എന്ന കഥാപാത്രമാണ് രചനക്ക്. ഒരു കൊലപാതകത്തിന് അവള്‍ സാക്ഷ്യം വഹിക്കുന്നു. അവിടെ നിന്നും രക്ഷപെട്ടുള്ള യാത്രയാണ് ചിത്രം. സസ്പെന്‍സ് ത്രില്ലറാണിതെന്നാണ് പിന്നണി പ്രവര്‍ത്തകര്‍ പറയുന്നത്.


ഭാര്‍ഗവിനിലയം വെല്ലുവിളിക്കുന്നു

Bhargavi Nilayam

ഡിജിറ്റലിന്റെ സാധ്യതകള്‍ ഏറെയുള്ള ഇക്കാലത്തും ഒരു ഹൊറര്‍ ചിത്രം വിജയകരമായി അവതരിപ്പിക്കാന്‍ മലയാള ചലച്ചിത്രപ്രവര്‍ത്തകര്‍ക്ക് കഴിയാതിരിക്കെയാണ് അമ്പത് വര്‍ഷം പിന്നിട്ട "ഭാര്‍ഗവിനിലയം" എന്ന് ചിത്രം അപൂര്‍വതയാകുന്നത്. മലയാളത്തിലെ മികച്ച ഛായാഗ്രഹകരില്‍ ഒരാളായ എ വിന്‍സന്‍റിന്റെ ആദ്യ സംവിധാന സംരംഭമാണ് ഭാര്‍ഗവിനിലയം. 1964 നവംബര്‍ 22ന് പുറത്തിറങ്ങിയ ചിത്രം വൈക്കം മുഹമ്മദ് ബഷീറിന്റെ "നീലവെളിച്ചം" എന്ന കഥയെ ആസ്പദമാക്കിയാണ് നിര്‍മിച്ചത്. കറുപ്പിലും വെളുപ്പിലുമായി ചിത്രീകരിച്ച ഈ സിനിമ സാങ്കേതികവിദ്യയില്‍ ഏറെ മുന്നിലാണ്. ഞെട്ടിക്കാന്‍ ഉതകുന്ന രംഗങ്ങള്‍ ഡി ഭാസ്കരറാവുവാണ് ചിത്രീകരിച്ചത്. ഒപ്റ്റിക്കല്‍ സാധ്യത മാത്രം ഉപയോഗിച്ച് അമ്പരപ്പിക്കുന്ന രംഗങ്ങള്‍. ബാബുരാജിന്റെ സംഗീതം അന്നുതന്നെ ഏറെ ശ്രദ്ധപിടിച്ചുപറ്റിയിരുന്നു. നോവലിസ്റ്റ് ഭാര്‍ഗവിനിലയത്തില്‍ താമസിക്കാനെത്തുന്നതും ഭാര്‍ഗവി എന്ന നഷ്ടപ്രണയിനിയുടെ വേദന തിരിച്ചറിയുന്നതുമാണ് പ്രമേയം. വിജയനിര്‍മലയുടെ ഉണ്ടക്കണ്ണുകളും രൂക്ഷതയും ഭാര്‍ഗവിയെ അവിസ്മരണീയമാക്കി. മധു, നസീര്‍ എന്നിവര്‍, മറ്റ് താരങ്ങള്‍ ഭാര്‍ഗവിനിലയത്തിന്റെ ചുവടുപിടിച്ചാണ് പിന്നീട് പല ഹൊറര്‍ ചിത്രങ്ങളും വന്നത്. പക്ഷേ, ആദ്യ ഹൊറര്‍ ചിത്രത്തെ വെല്ലാന്‍ മറ്റൊരു മലയാള സിനിമയ്ക്കും ഇനിയും കഴിഞ്ഞിട്ടില്ല.


സിനിമതന്നെ ചൂടുവെള്ളത്തിലായേനെ..

cat and thilothama

സംവിധായികയുടെ കന്നി ചിത്രം. അഭിനേതാക്കള്‍ ഏറെയും സ്ത്രീകള്‍. ഷൂട്ടിങ്ങ് പുരോഗമിക്കുന്നതിനിടെയാണ് ഒരു ഷോട്ടില്‍ പൂച്ചക്കുട്ടി വേണം. തിലോത്തമസമാനയായ നായിക പൂച്ചക്കുട്ടിയെ നും ഉമ്മവയ്ക്കുന്നതാണ് രംഗം. പൂച്ചക്കുട്ടി റെഡി. പക്ഷെ അനുസരണ അത്രപോരാ.. സംവിധാനസഹായിയായ നവാഗതര്‍ എന്തിനും തയ്യാര്‍. ക്യാമറക്ക് പോസ് ചെയ്യാന്‍ പൂച്ചക്കുട്ടിക്ക് മടി. ശ്രമം പലവട്ടമായി. ഒടുവില്‍ ആരോ വെറുതെ ഒരു പഴഞ്ചൊല്ല് പറഞ്ഞു. ചൂടുവെള്ളത്തില്‍ ചാടിയ പൂച്ച പച്ചവെള്ളം കണ്ടാലും മടിക്കും. സംവിധാനസഹായികള്‍ പാഞ്ഞു. പ്രൊഡക്ഷന്‍ പിള്ളേര്‍ക്ക് കല്‍പ്പനകൊടുത്തു. ചൂടുവെള്ളം വരട്ടെ. സിനിമ അറിയാവുന്ന പ്രൊഡക്ഷന്‍ ടീം വേറെ ആവശ്യത്തിനാവും എന്ന് കരുതി വെള്ളം എത്തിച്ചു. ചൂടുവെള്ളത്തില്‍ പൂച്ചയെ ഇടും മുന്‍പ് ആരോ ഇടപെട്ടു. അല്ലെങ്കില്‍ പൂച്ച മാത്രമല്ല സെന്‍സറിങ്ങിന്റെ ചൂടുവെള്ളത്തില്‍ സിനിമയാകെ വീണേനെ..


അംബുജാക്ഷന്‍ വീണ്ടും വരുന്നു ചിറകൊടിഞ്ഞ കിനാവുമായി

Chirakodinja Kinavikal

അംബുജാക്ഷനെ ഓര്‍മിയില്ലെ... തയ്യല്‍ക്കാരന്റെയും സുമതിയുടെയും കഥയുമായി നിര്‍മ്മാതാവിനെ കാണാനെത്തിയ അംബുജാക്ഷന്‍. അഴകിയ രാവണന്‍ എന്ന ചിത്രത്തിലാണ് വേദനിക്കുന്ന കോടീശ്വരനെ കാണാന്‍ തന്റെ കഥയുമായി അംബുജാക്ഷന്‍ എത്തുന്നത്. അതേ അംബുജാക്ഷന്‍ വീണ്ടും സിനിമയാവുന്നു അംബുജാക്ഷന്റെ കഥയുടെ അതേ പേരാണ് ചിത്രത്തിന്. ചിറകൊടിഞ്ഞ കിനാവുകള്‍. മംഗലശ്ശേരി നീലകണ്ഠന് വീണ്ടും വരാം, ഇന്‍സ്പെക്ടര്‍ ബലറാമിന് വീണ്ടും വരാം. എങ്കില്‍ പിന്നെ എന്തുകൊണ്ട് അംബുജാക്ഷന് വന്നുകൂട. അംബുജാക്ഷന്റെ രണ്ടാം വരവാണ് ചിറകൊടിഞ്ഞ കിനാവുകള്‍. ഈ ചിത്രത്തില്‍ അംബുജാക്ഷന് നിര്‍മ്മതാവിനെ കിട്ടി. ഇനി ബാക്കി സിനിമയാണ്. സിനിമക്കുള്ളില്‍ സിനിമയുടെ തമാശകള്‍ കൂട്ടിയിണക്കിയൊരുങ്ങുന്ന ചിറകൊടിഞ്ഞ കിനാവുകളുടെ ഷൂട്ടിങ്ങ് ചേര്‍ത്തലയില്‍ പുരോഗമിക്കുന്നു. ലിസ്റ്റിണ്‍ സ്റ്റീഫനാണ് നിര്‍മ്മാണം. സന്തോഷ് വിശ്വനാഥാണ് സംവിധാനം. പ്രവീണ്‍ ചെറുതറയുടേതാണ് തിരക്കഥ. അംബുജാക്ഷന്‍ സാക്ഷാല്‍ ശ്രീനിവാസന്‍ തന്നെ. പിന്നെയുള്ളത് തയ്യല്‍ക്കാരന്‍. അത് കുഞ്ചാക്കോ ബോബന്‍. തയ്യല്‍ക്കാരന്‍ പ്രേമിക്കുന്ന സുമതിയായി റിമ കല്ലിംഗല്‍. അവിടെ കല്യാണം. ഇവിടെ പാല് കാച്ച്. അവിടെ കല്യാണം ഇവിടെ പാല് കാച്ച്. കാത്തിരിക്കാം...


ലാലിനെതിരെ അന്വേഷണം

Investigation against Malayalam Actor Mohanlal

ചലചിത്രതാരം സഞ്ജയ്ദത്തിനെ 1993ലെ മുംബൈ സ്ഫോടന കേസില്‍ ശിക്ഷിച്ച സുപ്രീംകോടതിവിധിയെക്കുറിച്ചു നടത്തിയ പരാമര്‍ശത്തിന്റെ അടിസ്ഥാനത്തില്‍ ചലച്ചിത്ര നടന്‍ ലഫ്. കേണല്‍ മോഹന്‍ലാലിനെതിരെ അന്വേഷണത്തിനായി പ്രതിരോധവകുപ്പ് ഇന്ത്യന്‍ ആര്‍മിക്ക് നിര്‍ദ്ദേശം നല്‍കി. പാലായിലെ മഹാത്മാഗാന്ധി നാഷണല്‍ ഫൗണ്ടേഷന്‍ ചെയര്‍മാന്‍ എബി ജെ. ജോസ് രാഷ്ട്രപതിക്കു നല്‍കിയ പരാതിയുടെ അടിസ്ഥാനത്തിലാണ് നടപടി.

രാഷ്ട്രപതിക്കു ലഭിച്ച പരാതി അതീവ മുന്‍ഗണനനല്‍കി അന്വേഷിക്കണമെന്ന് പ്രതിരോധവകുപ്പ് അണ്ടര്‍ സെക്രട്ടറി വി.എന്‍. രവീന്ദ്രന്‍ നിര്‍ദ്ദേശം നല്‍കിയിട്ടുണ്ട്. ആര്‍മിയുടെ ഡിസിപ്ലിന്‍ ആന്‍റ് വിജിലന്‍സ് വിഭാഗത്തിന് MOD ID No. 7 (50) / 2014-D (AG) നമ്പരിലുള്ള നിര്‍ദ്ദേശം ലഭിച്ചത്.

Investigation against Malayalam Actor Mohanlal

നൂറുകണക്കിനാളുകളുടെ സ്ഫോടനത്തിലൂടെ കൊലപ്പെടുത്തിയ കേസുമായി ബന്ധപ്പെട്ടു സഞ്ജയ ദത്തിനെ ശിക്ഷിച്ചതിനെതിരെ നടത്തിയ പരാമര്‍ശം നീതിന്യായ വ്യവസ്ഥയോടുള്ള വെല്ലുവിളിയോടാണെന്നു രാഷ്ട്രപതിക്കു നല്‍കിയ പരാതിയില്‍ ജോസ് ആരോപിച്ചിരുന്നു. സൈന്യത്തില്‍ ലഫ്റ്റനന്‍റ് കേണല്‍ പദവി വഹിക്കുന്ന ഒരാള്‍ക്ക് ഇത്തരത്തില്‍ പരാമര്‍ശം നടത്തുന്നത് അച്ചടക്കലംഘനമാണെന്നും പരാതിയില്‍ പറയുന്നു. ഇതിന്റെ അടിസ്ഥാനത്തില്‍ സൈനിക നിയമപ്രകാരം ലാലിനെ വിചാരണചെയ്യണമെന്ന ആവശ്യമാണ് ഉന്നയിച്ചിട്ടുള്ളത്.
ലഫ്. കേണല്‍ പദവിയിലിരുന്നു ഒരു സ്വകാര്യ കമ്പനിയ്ക്കായി സൈനിക വേഷത്തില്‍ പരസ്യത്തില്‍ പ്രത്യക്ഷപ്പെട്ട മോഹന്‍ലാലിന്റെ നടപടി നേരത്തെ വിവാദമായിരുന്നു. പരമോന്നത സിവലിയന്‍ ബഹുമതിയായ പത്മശ്രീ അടക്കം നേടിയിട്ടുള്ള ലാലിന്റെ ഇത്തരം നടപടി അംഗീകരിക്കാനാവല്ലെന്ന് മഹാത്മാഗാന്ധി നാഷണല്‍ ഫൗണ്ടേഷന്‍ ചെയര്‍മാന്‍ എബി ജെ. ജോസ് പറഞ്ഞു.


പുതിയ സിനിമ

സംഗീതം : എം കെ അര്‍ജുനന്‍ പ്രഥമപ്രദര്‍ശനം ഇന്ന്

സംഗീതം : എം കെ അര്‍ജുനന്‍ പ്രഥമപ്രദര്‍ശനം ഇന്ന്

മലയാള ചലച്ചിത്രസംഗീതശാഖയിലെ പ്രമുഖ സംഗീത സംവിധായകനായ എം കെ അര്‍ജുനന്‍ മാസ്റ്ററെ കുറിച്ചുള്ള ഒരു ഡോക്യൂമെന്‍ററി ചിത്രം ഒരുങ്ങി. ട്രിവാന്‍ഡ്രം മ്യൂസിക്ക്...

വടക്കന്‍ വീരഗാഥയും സ്ഫടികവും വീണ്ടും

വടക്കന്‍ വീരഗാഥയും സ്ഫടികവും വീണ്ടും

ഒരു വടക്കന്‍ വീരഗാഥയും സ്ഫടികവും വീണ്ടും തീയറ്ററിലെത്തും. മമ്മുട്ടി എംടി ഹരിഹരന്‍ ടീമിന്റെ ഹിറ്റ് ചിത്രവും ഒപ്പം കലാമേന്‍മയിലും പ്രശംസനേടിയ ഒരു വടക്കന്‍...

ചാരക്കേസ് വരുന്നു. നമ്പിയായി മോഹന്‍ലാല്‍

ചാരക്കേസ് വരുന്നു. നമ്പിയായി മോഹന്‍ലാല്‍

ചാരക്കേസില്‍ ആരോപണത്തിനിരയായി ജീവിതം നാമാവശേഷമായ നമ്പി നാരായണന്‍ എന്ന ശാസ്ത്രജ്ഞന്റെ വേഷത്തില്‍ മോഹന്‍ലാല്‍ അഭിനയിക്കും. മലയാളിയെങ്കിലും അന്യഭാഷ...

റഫ്യൂജിയാദോയ്ക്ക് സുവര്‍ണ്ണ ചകോരം

റഫ്യൂജിയാദോയ്ക്ക് സുവര്‍ണ്ണ ചകോരം

19 -മത് കേരള രാജ്യന്തര ചലച്ചിത്രമേളയിലെ മികച്ച അന്തര്‍ദ്ദേശീയ ചിത്രത്തിനുള്ള സുവര്‍ണ്ണ ചകോരം ഡീഗോ ലര്‍മാന്‍ സംവിധാനം ചെയ്ത സ്പാനിഷ് ചിത്രം റഫ്യൂജിയാദോയ്ക്ക്...

കുള്ളനായും രാജാവായും വിജയ്

കുള്ളനായും രാജാവായും വിജയ്

ആക്ഷനും പ്രണയവും എന്ന പതിവ് രീതികളിലൂടെ അഭിനയിച്ചാല്‍ നടനെന്ന രീതിയില്‍ വളര്‍ച്ച വഴിമുട്ടുമെന്ന തിരിച്ചറിവിലായിരിക്കണം നടന്‍ വിജയ് കുള്ളനായി വേഷമിടുന്നു....

അവളുടെ രാവുകളില്‍ സീമക്ക് പകരം മേഘ്ന

അവളുടെ രാവുകളില്‍ സീമക്ക് പകരം മേഘ്ന

ബോക്സ് ഓഫീസില്‍ വന്‍ ചലനം സൃഷ്ടിച്ച അവളുടെ രാവുകള്‍ വീണ്ടും വരുന്നു. സീമയുടെ ചൂടന്‍ രംഗങ്ങള്‍ക്കൊപ്പം പ്രമേയപരമായ വിപ്ലവവും മുന്നോട്ടുവച്ച അവളുടെ രാവുകളുടെ...

പ്രണയത്തിന്റെ നൂറ് ദിവസം മുടക്കുന്നത് നിത്യയോ?

പ്രണയത്തിന്റെ നൂറ് ദിവസം മുടക്കുന്നത് നിത്യയോ?

സംവിധായകന്‍ കമലിന്റെ മകന്‍ ജാനസ് സംവിധാനം ചെയ്യുന്ന 100 ഡെയ്സ് ഓഫ് ലൗ എന്ന ചിത്രം മുടങ്ങുന്നതിന് പിന്നില്‍ നിത്യമേനോന്‍? ഒറ്റ ഷ്യെൂളില്‍ ഷൂട്ടിങ്ങ്...

പിടിപ്പുകേടിന്റെ ചലച്ചിത്രമേള

പിടിപ്പുകേടിന്റെ ചലച്ചിത്രമേള

ചലച്ചിത്രഅക്കാദമി സംഘടിപ്പിച്ച അന്താരാഷ്ട്ര ചലച്ചിത്രമേള പിടിപ്പുകേടിന്റെ ഉല്‍സവം. ഉത്തരവാദിത്വം പെരുവഴിയില്ലാത്തവര്‍ തലപ്പത്തിരുന്ന് മേളയുടെ നിറം...


34 News Items found. Page 1 of4