മലയാളം പടങ്ങൾ ആണെങ്കിലും , ബോളിവുഡ് പടങ്ങൾ ആണെങ്കിലും ഇനി എന്തിന് ഹോളിവുഡ് പടങ്ങൾ ആണെങ്കിൽ പോലും സിനിമകളിൽ കാണുന്ന തോക്കുകൾ യാഥാർഥ്യവുമായി ഒരുപാട് വ്യത്യാസങ്ങൾ ഉണ്ട് .
1 . ഡിഷ്ക്യും
പണ്ടത്തെ സൗണ്ട് ഡിസൈനർമാർ തോക്കുകളുടെ ശബ്ദം മരുഭൂമികളിലും കാടുകളിലും പോയി സൗണ്ട് റെക്കോർഡ് ചെയ്യുകയായിരുന്നു (അന്നത്തെ കാലത്തെ സിനിമകളിൽ തോക്ക് കൂടുതലായും ഉപയോഗിച്ചിരുന്നത് കൊള്ളക്കാരും തീവ്രാവാദികളും ഒക്കെ ആയിരുന്നു. ഈ തോക്കുകൾ ഒക്കെ പ്രാദേശികമായി നിർമിച്ച തോക്കുകൾ ഒക്കെ ആയിരിക്കും. അവയുടെ ശബ്ദം അതിനാൽ തന്നെ വേറിട്ട നിൽക്കുന്നവ ആയിരുന്നു ) തോക്കുകൾ ബുള്ളറ്റ് വിടുമ്പോൾ, അതിവിശാലമായ ഭൂപ്രകൃതിയിൽ അതിന്റെ ശബ്ദം പ്രതിധ്വനിക്കും, അതാണ് അന്നത്തെ സിനിമകളുടെ സൗണ്ട് ഡിഷ്ക്യും എന്നതാവാൻ കാരണം . അത് പിന്നെ വരുന്ന സിനിമകളും പിന്തുടരാൻ തുടങ്ങി
2. അൺലിമിറ്റഡ് എന്ന് പറയുന്നതിലും നല്ലത് ഇൻഫിനിറ്റി
ആക്ഷന് പ്രാധാന്യം കൊടുക്കുന്ന ഏത് സിനിമ എടുത്താലും അവയിൽ കാണുന്ന പ്രധാന പ്രശ്നമാണ് ഉണ്ട തീരാത്ത തോക്ക് . മോളിവുഡ് മുതൽ ഹോളിവുഡ് വരെ ഈ തോക്ക് കാണാം .. ഇത് സാധ്യമാണോ ? ഒരിക്കലും അല്ല. ഓരോ തരാം തോക്കുകൾക്കും അവയിൽ നിറയ്ക്കാൻ പറ്റുന്ന ഉണ്ടകൾക്ക് കണക്കുണ്ട്. അത് കഴിഞ്ഞാൽ അവ റീഫില് ചെയ്യുക തന്നെ വേണം . സൈനികർ വഹിക്കുന്ന ഭാരത്തിന്റെ ഭൂരിഭാഗവും വരുന്നത് ഉണ്ടാക്കലും മറ്റ് വെടിക്കോപ്പുകളും ആണ്
മറ്റൊരു സീൻ
3. സൈലൻസർ അത്ര സൈലന്റ് അല്ല
നിശബ്ദമായി കിടക്കുന്ന വില്ലന്റെ താവളം …നായകൻ വരുന്നു … സൈലൻസർ ഉപയോഗിച്ച വെടിവെക്കുന്നു . ഒരു പൂച്ചകുഞ്ഞുപോലുമറിയാതെ വില്ലന്മാരെ ഓരോന്നായി കൊല്ലുന്നു.
വെടിക്കെട്ടിന്റെ ശബ്ദമുള്ള തോക്കിനെ നിശബ്ദമാകുന്ന നായകന്റെ ഉപകരണം .. “സൈലൻസർ” . 99 .1 % പ്രേക്ഷകരും ഇപ്പോളും വിചാരിക്കുന്നത് തോക്കിന്റെ ശബ്ദത്തെ പൂർണ്ണമായും ഇല്ലാതാക്കാൻ സൈലൻസറിന് കഴിയുമെന്നാണ് (അല്ലെന്ന് നിങ്ങൾക്കറിയാമെങ്കിൽ നിങ്ങൾ ബാക്കിയുള്ള ആ 0 .1 % ൽ പെടുന്നയാളാണ്).
സൈലൻസർന്റെ യഥാർത്ഥ പേര് സപ്പ്രെസ്സോർ എന്നാണ് , വെടിയുടെ വലിയ ശബ്ദത്തെ സപ്രസ് ചെയ്യുന്നതിനാലാണ് അതിന് ഈ പേര് വന്നത് . സൈലൻസർ ഉപയോഗിച്ചാൽ പോലും വെടി പൊട്ടുമ്പോൾ കുഴപ്പമില്ലാത്ത ശബ്ദം പുറത്തുവരും
4.റീക്കോയിലോ ? അതെന്തുവാ ?
ന്യൂട്ടൻ പണ്ടൊരു നിയമം പറഞ്ഞിരുന്നു , കേരളത്തിലെ ഏത് സാധാരണക്കാരനും അറിയുന്ന നിയമം . എവെരി ഫോഴ്സ് ഹാസ് ഈക്വൽ ആൻഡ് ഓപ്പോസിറ്റ് റിയാക്ഷന്. അത് നമ്മുടെ നാട്ടിലെ സിനിമക്കാരൊന്നും അറിഞ്ഞ ലക്ഷണം ഇല്ല . ഓരോ വെടി പൊട്ടിക്കുന്നതും റിമോട്ടിന്റെ സ്വിച്ച് അമർത്തുന്നു ലാഘവത്തിലാണ്. എത്ര ചെറിയ തോക്കാണെങ്കിൽ പോലും വെടി വച്ചാൽ റീക്കോയിൽ ഉണ്ടാകും , വെടി വച്ചതിന്റെ ഓപ്പോസിറ്റ് ദിശയിലേക്ക് , തോക്കിന്റെ വലുപ്പം കൂടുന്തോറും റീക്കോയിലും കൂടും
ഇതുവരെ കേൾക്കാത്ത സിനിമക്കാർക്കായി … സയൻസ് കണ്ട് പഠിച്ചോളൂ
5.വെക്കടാ വെടി
ഗൺ ഫൈറ്റിന് പോകുന്ന നായകൻ ബുള്ളറ്റ് പ്രൂഫ് വെസ്റ്റ് ധരിച്ചുണ്ടെന്നറിഞ്ഞാൽ കാണികൾക്ക് ഒരു ആശ്വാസം ആണ് , എന്തെന്നാൽ ഇനി എത്ര വെടി കൊണ്ടാലും നായകൻ മരിക്കില്ല !!! അങ്ങനെ ആണോ ?
ഒരു സാധാരണ ബുള്ളറ്റ് പ്രൂഫ് വെസ്റ്റിന് ഒരു സാധാരണ 50 കാലിബർ ബുള്ളറ്റ് തടഞ്ഞു നിർത്താനെ ആകൂ .
ബുള്ളറ്റ് പ്രൂഫ് വസ്ത്രങ്ങൾ ഉപയോഗശൂന്യമാകുന്നതിന് മുമ്പ് വളരെ കുറച്ചു എണ്ണം ബുള്ളറ്റ് മാത്രമേ തടഞ്ഞു നിർത്താൻ ആകൂ . എല്ലാ തരാം ബുള്ളറ്റുകളെയും തടഞ്ഞ് നിർത്താൻ ഈ വെസ്റ്റിന് ആകില്ല
6. ഈ വെടി എത്ര കണ്ടതാ … സോറി എത്ര കൊണ്ടതാ
വെടി കൊണ്ട് വീഴുന്ന നായകൻ .. പക്ഷെ തളരുന്നില്ല … മുറിവിന്റെ ആഴവും , കൊണ്ട വെടിയുടെ എണ്ണവും കണക്കാക്കാതെ അയാൾ വീണ്ടും പോരാടുകയാണ് …. പോരാടി പോരാടി അയാൾ എല്ലാ വില്ലന്മാരെയും തോല്പിക്കുന്നു . മുറിവിലെ ചോര ശ്രദ്ധിക്കാതെ അയാൾ ഫ്രെയിമിലൂടെ നടന്ന് നീങ്ങുന്നു (കാണികൾ കയ്യടിക്കുന്നു)
ക്ലൈമാക്സ് സൂപ്പർ ആകണമെങ്കിൽ നായകൻ ഒന്ന് തളരണം, തോറ്റെന്ന ചിന്ത പ്രേക്ഷകരിൽ ഉണ്ടാക്കി അവിടുന്ന് തിരിച്ചു വരുമ്പോൾ അതാണ് മരണ മാസ്സ്, അതാണ് കാണികൾക്ക് വേണ്ടത് …
നിങ്ങൾക്ക് വെടിയേറ്റാൽ (നായകനല്ല, നിങ്ങൾക്കും,വില്ലനും ) ധാരാളം രക്തം നഷ്ടപ്പെടും, മാംസം കീറും, മസിൽ ഡാമേജ് വരും , ചിലപ്പോൾ എല്ലുവരെ പൊട്ടും . ഏതെങ്കിലും ഓർഗൻ മുറിവേറ്റാലുള്ള കാര്യം പറയേണ്ടല്ലോ
