ജി അരവിന്ദൻ സംവിധാനം ചെയ്ത് 1979ൽ പുറത്തിറങ്ങിയ കുമ്മാട്ടി 26ആമത് രാജ്യാന്തര ചലച്ചിത്രമേളയുടെ ഭാഗമായി. മേളയുടെ രണ്ടാം ദിനം ആയ ഇന്ന് മാർച്ച് 19ന് നവീകരിച്ച കൈരളി ശ്രീ നില തീയറ്ററിൽ വെച്ചായിരുന്നു പ്രദർശനം. മലയാള സിനിമയുടെ ചരിത്രത്തിലെ തന്നെ ക്ലാസിക് ചിത്രങ്ങളിൽ ഒന്നായ കുമ്മറ്റിയുടെ 4k ദൃശ്യ മികവോടെയുള്ള പതിപ്പാണ് മേളയിൽ പ്രദർശിപ്പിച്ചത്. സമകാലത്തെ സിനിമ പ്രേമികൾക്ക് ദൃശ്യമികവിൽ വിട്ടുവീഴ്ചയില്ലാതെ തന്നെ പഴയകാല മലയാള സിനിമകൾ കാണാൻ സാധിക്കുമെന്നതാണ് മേളയിൽ ഈ വിഭാഗം ഉൾപ്പെടുത്താൻ ഉള്ള പ്രധാന കാരണം . കുമ്മാട്ടി പോലുള്ള ചിത്രങ്ങൾ നവീകരിച്ച് 4K രൂപത്തിലാക്കുന്നതിലൂടെ കാലഹരണപ്പെട്ടുപോകുന്ന ജീവിതങ്ങളും സംസ്കാരവുമാണ് സംരക്ഷിക്കപ്പെടുന്നതെന്ന് ഫിലിം ആർക്കിവിസ്റ്റ് ശിവേന്ദ്ര സിംഗ് ദുൻഗർപുർ മേളയുടെ ഭാഗമായി നടന്ന സംവാദ വേദിയിൽ അഭിപ്രായപ്പെട്ടു. ചലച്ചിത്രങ്ങൾ നവീകരിക്കുമ്പോൾ ആ സംവിധായകരുടെ വീക്ഷണവും ചിന്തകളും കൂടിയാണ് അമരത്വം വരിക്കുന്നത്. പഴയ ചിത്രങ്ങളുടെ നവീകരണം ഇന്ത്യയിലും സജീവമാകേണ്ടതുണ്ടെന്നും അദ്ദേഹം പറഞ്ഞു. കുമ്മാട്ടി പോലുള്ള ക്ലാസിക് മലയാള സിനിമകളെ പുതുതലമുറയ്ക്ക് കൈമാറുവാൻ കൂടി വേദിയാവുകയാണ് ഐഎഫ്എഫ്കെ ലക്ഷ്യമിടുന്നത്.
ജി അരവിന്ദന്റെ കുമ്മാട്ടി 4k മികവോടെ വീണ്ടും ബിഗ്സ്ക്രീനിൽ
മലയാള സിനിമയുടെ ചരിത്രത്തിലെ തന്നെ ക്ലാസിക് ചിത്രങ്ങളിൽ ഒന്നായ കുമ്മറ്റിയുടെ 4k ദൃശ്യ മികവോടെയുള്ള പതിപ്പാണ് മേളയിൽ പ്രദർശിപ്പിച്ചത്.