ഇലോൺ മസ്ക് ട്വിറ്റർ സ്വന്തമാക്കിയതിനു പിന്നാലെ നടി ജമീല ജാമിൽ സോഷ്യൽ മീഡിയ സൈറ്റ് ആയ ട്വിറ്റർ(Twitter) ഉപേക്ഷിക്കുന്നു എന്ന് പ്രഖ്യാപിച്ചു. ഇലോൺ മസ്ക് ട്വിറ്റർ സ്വന്തമാക്കിയതാണ് ജമീല ട്വിറ്റർ(Twitter) ഉപേക്ഷിക്കാൻ കാരണമായി പറയുന്നത്. 44 ബില്യൺ ഡോളറിന് ഏപ്രിൽ 25 നാണ് മസ്ക് ട്വിറ്റർ(Twitter) സ്വന്തമാക്കിയത്. തന്റെ അവസാന ട്വീറ്റ് ആണ് ഇത് എന്ന് പറഞ്ഞുകൊണ്ട് താരം കുറിപ്പും പങ്കുവച്ചിരുന്നു. ഒപ്പം ഇനി മുതൽ വിദ്വേഷത്തിന്റെയും മതഭ്രാന്തിന്റെയും സ്ത്രീവിരുദ്ധതയുടെയും നരകമായി ട്വിറ്റർ മാറും എന്ന് ആശങ്ക രേഖപ്പെടുത്തുകയും ചെയ്യുന്നുണ്ട് നടിയുടെ അവസാന ട്വീറ്റിൽ.
” അദ്ദേഹത്തിന് ട്വിറ്റർ(Twitter) ലഭിച്ചു. ഒരുപക്ഷെ ഇത് എന്റെ അവസാന ട്വീറ്റ് ആയിരിക്കുമെന്ന് ഞാൻ പ്രതീക്ഷിക്കുന്നു. അതും ബറോൾഡിന്റെ ചിത്രങ്ങൾ കാണിക്കുന്നതിന് വേണ്ടി. തികച്ചും നിയമവിരുദ്ധമായ വിദ്വേഷത്തിന്റെയും മതഭ്രാന്തിന്റെയും സ്ത്രീവിരുദ്ധതയുടെയും നരകമായി ഈ പ്ലാറ്റ്ഫോം മാറാൻ ഈ സ്വതന്ത്ര സംഭാഷണ സഹായിക്കുമോ എന്ന് ഞാൻ ഭയപ്പെടുകയാണ്. ബെസ്റ്റ് ഓഫ് ലക്ക് “
Ah he got twitter. I would like this to be my what lies here as my last tweet. Just really *any* excuse to show pics of Barold. I fear this free speech bid is going to help this hell platform reach its final form of totally lawless hate, bigotry, and misogyny. Best of luck. ❤️ pic.twitter.com/fBDOuEYI3e
— Jameela Jamil 🌈 (@jameelajamil) April 25, 2022
ട്വിറ്ററി(Twitter)ന്റെ ഉടമസ്ഥാവകാശം ഏറ്റെടുത്തതിനു പിന്നാലെയുള്ള മാസ്കിന്റെ ട്വീറ്റും ഏറെ ശ്രദ്ധേയമായിരുന്നു.”എന്റെ ഏറ്റവും മോശമായ വിമർശകർ പോലും ട്വിറ്ററിൽ തുടരുമെന്ന് ഞാൻ പ്രതീക്ഷിക്കുന്നു, കാരണം അതാണ് അഭിപ്രായ സ്വാതന്ത്ര്യത്തിന്റെ അർത്ഥം.” എന്നായിരുന്നു മസ്ക് കുറിച്ചത്. ഇതിനു പിന്നാലെയാണ് ജമീലയുടെ ട്വീറ്റും.