മമ്മൂട്ടിയെ കേന്ദ്ര കഥാപാത്രമാക്കി അമൽ നീരദ് സംവിധാനം ചെയ്ത ഭീഷ്മപർവ്വത്തിന്റെ ട്രെയ്‌ലർ പുറത്തിറങ്ങി. ബിഗ് ബിക്ക് ശേഷം മമ്മൂട്ടിയും അമൽ നീരദും ഒന്നിക്കുന്ന ചിത്രത്തിന്റെ ട്രൈലെർ ഇന്ന് പുലർച്ചയോടെയാണ് റിലീസ് ചെയ്തത്. ചിത്രം മാർച്ച് 3നു തീയറ്ററുകളിലെത്തും.
മമ്മൂട്ടിക്കൊപ്പം നദിയാ മൊയ്തു, സൗബിൻ ഷാഹിർ, ശ്രീനാഥ് ഭാസി, ഷൈൻ ടോം ചാക്കോ, ലെന തുടങ്ങി വൻ താരനിരയാണ് ചിത്രത്തിലുള്ളത്. ഓരോ കഥാപാത്രവും എനെർജിറ്റിക് മൂഡിൽ പ്രത്യക്ഷപ്പെടുന്ന ട്രൈലെർ ഇപ്പോൾ തന്നെ യൂട്യൂബ് ട്രെൻഡിങ്ങിൽ ഒന്നാമതാണ്. ചിത്രത്തിൽ മൈക്കിൾ എന്ന കഥാപാത്രമായാണ് പ്രത്യക്ഷപ്പെടുക.
അമൽ നീരദും ദേവദത്ത് ഷാജിയും ചേർന്നാണ് ചിത്രത്തിന്റെ തിരക്കഥ തയ്യാറാക്കിയിരിക്കുന്നത്. ദിലീഷ് പോത്തന്റെ സംവിധാന സഹായിയായ ദേവദത്തിന്റെ ആദ്യ തിരക്കഥയുമാണ് ഭീഷ്മപർവം. റാണി പദ്മിനിയുടെ സഹരചയിതാവ് കൂടിയായ പി.ടി.രവിശങ്കറാണ് അഡീഷണൽ സ്‌ക്രീൻപ്ലേ. ആനന്ദ് സി ചന്ദ്രനാണ് അമൽ നീരദ് ചിത്രത്തിനായി ക്യാമറ ചലിപ്പിക്കുന്നത്. ബിലാൽ ചിത്രീകരിക്കാനിരുന്നതും ആനന്ദ് സി.ചന്ദ്രൻ ആയിരുന്നു. വിവേക് ഹർഷൻ എഡിറ്റിംഗും സുഷിൻ ശ്യാം സംഗീതവും.
