ടൊവിനോ തോമസിനെയും കീർത്തി സുരേഷിനെയും കേന്ദ്ര കഥാപാത്രങ്ങളാക്കി നടനും സംവിധായകനുമായ വിഷ്ണു ജി രാഘവ് സംവിധാനം ചെയ്യുന്ന ‘വാശി’യുടെ ചിത്രീകരണം പൂര്ത്തിയായി. ചിത്രത്തിന്റെ അണിയറപ്രവര്ത്തകര്ക്ക് നന്ദി പറഞ്ഞ് അവര്ക്കൊപ്പമുള്ള ചിത്രവും പങ്കുവെച്ചാണ് താരം ഇക്കാര്യം സാമൂഹിക മാധ്യമങ്ങളിലൂടെ അറിയിച്ചത്.
ടൊവിനോയും കീര്ത്തിയും ആദ്യമായി ഒന്നിക്കുന്ന ചിത്രമാണിത്. പ്രമുഖ ചലച്ചിത്ര നിര്മ്മാണ കമ്പനിയായ രേവതി കലാമന്ദിരിന്റെ ബാനറില് ജി സുരേഷ് കുമാറാണ് ചിത്രം നിര്വമിക്കുന്നത്. അച്ഛന് പ്രൊഡ്യൂസ് ചെയ്യുന്ന സിനിമയില് മകളായ കീര്ത്തി നായികയാകുന്നു എന്ന പ്രത്യേകതയും സിനിമയ്ക്കുണ്ട്. മേനക സുരേഷ്, രേവതി സുരേഷ് എന്നിവരാണ് സഹനിര്മ്മാതാക്കള്.
ചിത്രത്തിന്റെ കഥ എഴുതിയിരിക്കുന്നത് ജാനിസ് ചാക്കോ സൈമണ് ആണ്. റോബി വര്ഗ്ഗീസ് രാജാണ് സിനിമയ്ക്ക് വേണ്ടി ക്യാമറ കൈകാര്യം ചെയ്യുന്നത്. മഹേഷ് നാരായണന് എഡിറ്റിങ്ങും, വിനായക് ശശികുമാറിന്റെ വരികള്ക്ക് കൈലാസ് മേനോന് സംഗീതവും നിര്വ്വഹിക്കുന്നു.