കെവിനേ മറക്കാത്തവർ കേരളത്തിലുണ്ടാവില്ല, ദുരഭിമാന കൊലയുടെ പേരിൽ ഇന്നും എല്ലാവരും ഓർക്കുന്ന മുഖമാണ് കോട്ടയംകാരൻ കെവിന്റേത്. കേരളത്തെ ഞെട്ടിച്ച ദുരഭിമാനക്കൊലയുടെ ഇരകളായി മാറിയ കെവിനും ഭാര്യ നീനുവിനും ഭീഷ്മപർവ്വം സമർപ്പിച്ച് കൊണ്ടാണ് സിനിമയുടെ അണിയറ പ്രവർത്തകർ ആദരവ് അർപ്പിച്ചത്. കേരളത്തില് ദുരഭിമാനക്കൊലയ്ക്ക് ഇരയായ കെവിനും ഭാര്യ നീനുവിനും സമർപ്പിച്ചുകൊണ്ടാണ് സിനിമ ആരംഭിക്കുന്നത്. 2018 മെയ് 27 നായിരുന്നു കെവിനേ കൊലപ്പെടുത്തുന്നത്. നീനുവിനെ വിവാഹം കഴിച്ചതിന്റെ പേരിലാണ് ദളിത് ക്രൈസ്തവ വിഭാഗത്തില്പ്പെട്ട കെവിനെ കൊലപ്പെടുത്തിയത്. നീനുവിന്റെ അച്ഛനും സഹോദരനെയും ചേർത്ത് കേസില് 14 പേരെ പ്രതിചേര്ക്കപ്പെട്ടിരുന്നെങ്കിലും നീനുവിന്റെ അച്ഛനടക്കം നാല് പേരെ കോടതി വെറുതെവിട്ടു.
ബിഗ് സ്ക്രീനിൽ കാഴ്ച വിരുന്ന് സമ്മാനിച്ചുകൊണ്ട് ഗ്യാങ്സ്റ്റർ ചിത്രം ‘ഭീഷ്മപർവ്വം’ നിറഞ്ഞ സദസ്സിൽ പ്രദർശനം തുടരുകയാണ്. ആരാധകരെ ആവേശത്തിലാക്കി മികച്ച തിയേറ്റർ അനുഭവമാണ് ഭീഷ്മപർവ്വം സമ്മാനിക്കുന്നതെന്നു ആരാധകർ അഭിപ്രായപ്പെടുന്നു.
ബിഗ് ബി പുറത്തിറങ്ങി 14 വര്ഷങ്ങള്ക്ക് ശേഷം അമല് നീരദും മമ്മൂട്ടിയും ഒന്നിക്കുന്ന ചിത്രമാണ് ‘ഭീഷ്മപര്വ്വം’. ക്രൈം ഡ്രാമ വിഭാഗത്തിലുള്ള ചിത്രത്തില് മൈക്കിള് എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. അമല് നീരദും ദേവ്ദത്ത് ഷാജിയും ചേര്ന്നാണ് ചിത്രത്തിന്റെ തിരക്കഥ. ഫര്ഹാന് ഫാസില്, ശ്രീനാഥ് ഭാസി, ദിലീഷ് പോത്തന്, അബു സലിം, ലെന, ശ്രിന്ഡ, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്,, മാല പാര്വ്വതി എന്നിവരാണ് ചിത്രത്തിലെ മറ്റ് താരങ്ങള്. ആനന്ദ് സി ചന്ദ്രന് ഛായാഗ്രഹണം നിര്വ്വഹിക്കുന്ന ചിത്രത്തിന്റെ സംഗീതം സുഷിന് ശ്യാം ആണ് നിര്വ്വഹിച്ചിരിക്കുന്നത്.
